Qendrat e vaksinimit anti-Covid te “Air Albania”

Kryeministri Edi Rama dhe ministrja e Shëndetësisë, Ogerta Manastirliu morën pjesë në nisjen e ngritjes së qendrës së vaksinimit anti-Covid, pranë stadiumit kombëtar “Air Albania”. Sipas planit të Qeverisë, kjo do të jetë edhe qendra më e madhe e vaksinimit në vend, me një kapacitet vaksinues deri në 60 qytetarë në orë. Gjatë fjalës së saj, ministrja e Shëndetësisë tha se është duke u përgatitur infrastruktura e nevojshme për vaksinimin e grupeve më të rrezikuara, duke filluar me mjekët.

“Po bëhet gati plani i vaksinimit për të gjithë grupet më të rrezikuar duke filluar nga mjekët. Vaksinat e para janë parashikuar që do të shkojnë për grupet e riskut, aktualisht kemi bërë gati listat e infermierëve dhe mjekëve. Më pas do vijojmë me mjekët dhe infermierët e urgjencave”, u shpreh ajo.

Manastirliu deklaroi se pas Tiranës qendra të ngjashme do të hapen në Vlorë dhe Shkodër duke vijuar më vonë me rrethet e tjera. Ndërkohë, Kryeministri Rama përsëriti zotimin se brenda janarit do të nisë vaksinimi. “Në të gjitha rastet ne do fillojmë në javën e tretë të janarit. Shpresojmë që të fillojmë dhe më shpejt. Siç e dini ne jemi në komunikim të vazhdueshëm në të katërta anët dhe kemi besim që mund të fillojmë dhe më shpejt falë disa kanaleve referenciale që kemi hapur. Dua tjua them të gjithëve që jemi në një fazë shumë pozitive për sa i përket perspektivës së kësaj lufte. Kemi siguruar 500 mijë vaksina. Kemi garantuar një trend vaksinimi që i përgjigjet strategjisë dhe një plani të kalendarizuar. Si nga fillimi e deri më sot ne nuk jemi një hap pas asaj që vjen por jemi gjithmonë një hap përpara”, tha Rama.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale