Pyetja që duhet t’i bëni vetes çdo mëngjes për të qenë të lumtur


Cili është mendimi i parë që të shkon në mend sapo zgjohesh?

A fillon të mendosh për të gjitha punët që ke për të bërë? Email-et që duhet t’u përgjigjesh, apo dhe punët e shtëpisë që nuk duhen shmangur?

Apo…

Mendon për gjërat që të bëjnë të lumtur? Puthjen që do të marrësh nga vajza apo djali para se ta nisësh për në shkollë, përqafimin e partnerit kur kthehesh nga puna, apo thjesht faktin se edhe pse nuk i ke të gjitha ato që dëshiron, gjithçka do të shkojë mirë?

Albert Einstein ka thënë: “Vendimi më i rëndësishëm që bëjmë është nëse besojmë se jetojmë në një univers miqësor ose armiqësor.”

A është bota në të cilën ti jeton miqësore apo armiqësore? Si e sheh atë? Është në dorën tënde të vendosësh?

Çdo ditë kur zgjoheni duhet të pyesni veten: “Jetoj në një botë të mirë apo në një botë të keqe?”

Sido që ta vlerësoni botën tuaj ajo do të kthehet në një impakt pozitiv ose negativ për ditën tënde. Remez Sasson thotë se kur mendojmë pozitivisht “… sytë na shkëlqejnë, kemi më shumë energji dhe jemi më të lumtur.”

Dikush të del përpara në trafik? Është në rregull. Të paktën nuk ju goditën, duke bërë që të shkonit vonë në takimin tuaj dhe duke ju detyruar të kontaktoni kompaninë e sigurimit, për të nisur procesin e gjatë dhe të mërzitshëm të riparimit të automjetit.

Njerëz që ecin ngadalë në rrugë përpara jush? Bëj durim! Merr kohë për të thithur më shumë ajër e për të ecur dhe ti më qetë.

Duke e nisur ditën me një vendim se bota është e mirë, ka më pak shanse të reagoni në mënyrë negative kur gjërat nuk shkojnë ashtu siç i keni planifikuar. Bëj më shumë durim. Ki më shumë shpresë.

Susan Reynolds, bashkëautore e Train Your Brain To Get Happy, thotë se “të ndjesh kënaqësi do të thotë të stimulosh trurin të përgjigjet pozitivisht ndaj këtij reagimi.”

Me fjalë të tjera, sa më shumë të mira të kërkosh në botë, më shumë të mira do të marrësh në këmbim.

Kur zgjoheni dhe zgjidhni (me vetëdije ose pa vetëdije) që të jetoni në një botë “të keqe”, ju e kaloni ditën tuaj shumë ndryshe. Ju ndiheni të zhgënjyer kur ngecni pas dikujt që ecën ngadalë ose nëse jeni të mbërthyer në trafik. Qëndrimi në rradhë në dyqan duket si një përjetësi dhe çdo gjë që bëni ju duket dhjetë herë më e vështirë.

Asgjë nuk funksionon siç duhet dhe ju jeni vazhdimisht duke pritur që gjërat të shkojnë keq, gjëra që “vërtetojnë” se bota është një vend armiqësor.

Zgjedhja për të menduar pozitivisht siguron gjithashtu shumë përfitime të mëdha shëndetësore.

Zvogëlon rrezikun e depresionit, zvogëlon ankthin dhe madje ju bën më të qëndrueshëm ndaj çdo problemi që po ndodh. Njerëzit që shikojnë në anën e ndritshme të jetës kanë tendencë të jetojnë më gjatë dhe e kanë më të lehtë për të përballur me stresin që jeta e zakonshme ofron.

Është shumë e lehtë të mbetesh i ngecur dhe i mbërthyer në negativitet, veçanërisht me gjithçka që po ndodh në botë. Ju nuk mund të kaloni nëpër mediat e tua sociale pa parë mjaft postime për të gjitha gjërat që janë “të gabuara”.

Nëse dëshiron të jesh versioni më i mirë i vetes, duke menduar gjënë e parë pozitive në mëngjes është mënyra për të arritur atje.

Ja disa këshilla për t’ju ndihmuar të fokusoheni më shumë në të mirën sesa në të keqen:

  • Zgjidh fjalët dhe thëniet që pasqyrojnë një qëndrim pozitiv: “Do të kem një ditë të mirë” ose “Unë jam entuziast për atë që më pret sot”.
  • Përqendrohuni në gjërat që ju bëjnë të lumtur: “Mezi pres të puth e të pëqafoj nënën time” ose “Mezi të pres të shoh rezultatet e projektit për të cilin po punoj!”
  • Vlerësoni gjërat e mira në botën tuaj: “Unë jam mirënjohës për shëndetin tim, faktin se unë mund të paguaj faturat, dhe se unë kam një familje kaq të mrekullueshme!”
  • Kaloni më shumë kohë me njerëz pozitivë, duke e bërë më të lehtë të jeni dhe vet pozitiv!

Nuk do të jetë kurrë 100%, por nëse përqendroheni te e mira vetëm pak më shumë se tek e keqja, po përparoni. Mbani mend se keni një zgjedhje. Bëjini vetes një nder dhe zgjidhni të mirën. Kjo do t’ju bëjë më të lumtur dhe më të shëndetshëm.

/INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale