Punonjësit e Salesforce revoltohen për lëvizjet NFT - Business Magazine Albania

Punonjësit e Salesforce revoltohen për lëvizjet NFT

lëvizjet NFT

Një javë pasi Salesforce u bë kompania e fundit që planifikoi një lëvizje në tregun NFT, qindra punonjës të saj janë revoltuar në një letër të hapur duke pretenduar se NFT-të janë problematike për arsye të shumta.

Protestat, të raportuara fillimisht nga Fondacioni Thomson Reuters, erdhën pasi kompania e softuerit me bazë në San Francisko u tha punonjësve se po eksploronte një sërë sipërmarrjesh NFT, duke përfshirë një “NFT Cloud” që do t’i lejonte artistët të krijonin dhe të shisnin tokens digjitale në internet, potencialisht duke rivalizuar unikornin 13 miliardë dollarë OpenSea. Bashkëthemeluesi i Salesforce, Marc Benioff, në veçanti, është dukur entuziast për hapësirën në rritje të NFT; një tjetër pronë e tij, revista Time, zbuloi së fundmi një iniciativë Web3 që lejon fansat të zotërojnë vepra arti digjitale.

Megjithatë, shumë punëtorë të Salesforce ishin më pak të entuziazmuar. Më shumë se 400 prej tyre kanë nënshkruar një letër drejtuar Benioff dhe shefit ekzekutiv Bret Taylor, duke cituar ndikimin mjedisor dhe ekonomik të NFT-ve si “asete financiare të parregulluara, shumë spekulative”, raportoi Thomson Reuters. NFT-të janë aktualisht famëkeqe për paqëndrueshmërinë dhe spekulimet e rrezikshme, ashtu si pjesa tjetër e peizazhit të kriptomonedhave. Hapësira e sapolindur është kritikuar gjithashtu për mungesën e masave mbrojtëse apo rregullore kundër mashtrimit dhe vjedhjes.

“Vlerat tona thelbësore drejtojnë gjithçka që bëjmë, duke përfshirë zhvillimin e produkteve tona,” tha një zëdhënës i Salesforce për Fast Company. “Ne mirëpresim reagimet e punonjësve tanë dhe jemi krenarë që ushqejmë një kulturë besimi që i fuqizon ata të ngrenë pikëpamje të ndryshme. Ne po organizojmë një seancë dëgjimi me punonjësit dhe do të përdorim kontributin e tyre për të forcuar rrugën tonë përpara.”

Lexoni: Kompania italiane do të ofrojë makinat me certifikata NFT: “Rritet vlera e automjetit”

Disa punonjës shprehën gjithashtu tronditje që lëvizja e kompanisë erdhi pas një fushate të fundit të qëndrueshmërisë, duke përfshirë një reklamë të madhe të Super Bowl, në të cilën austronauti Matthew McConaughey na nxit të gjithëve që të mbjellim më shumë pemë. “Ndërsa të tjerët shikojnë mmetaverse dhe Marsin, le të qëndrojmë këtu dhe të rivendosim tonën,” thotë McConaughey, me ironi, në retrospektivë. Në shtator të vitit të kaluar, kompania shpalli emetimet zero të karbonit, ndërsa Benioff ripohoi angazhimin e tij për të “sekuestruar 100 gigaton karbon duke restauruar, ruajtur ose rritur 1 trilion pemë”, një strategji që shkencëtarët e kanë konsideruar të diskutueshme.

Por mbështetja e NFT-ve duket se bie ndesh me atë mision për momentin, pasi mekanizmi i përdorur nga shumë blockchain të njohur shkakton për djegien e sasive masive të karbonit. Një vlerësim i pranuar gjerësisht nga viti 2020 barazoi gjurmën mesatare të karbonit të një NFT të vetme me fluturimin me një aeroplan për 1500 orë.

Disa punonjës të Salesforce kërcënuan se do të largoheshin nëse kompania nuk e rimendonte lëvizjen e saj. “Unë do të gjej një kompani që jeton sipas vlerave të saj të deklaruara,” i tha Thomson Reuters një nga nënshkruesit e letrës. Jo të gjithë punonjësit e kompanisë janë kundër lëvizjes; në bisedat e brendshme, disa argumentuan se Salesforce mund të ndihmonte në zgjerimin e përgjegjshëm të ekosistemit NFT dhe të drejtonte klientët përmes tregut në zhvillim, vuri në dukje Thomson Reuters.

Salesforce nuk tha nëse do të diskutonte reagimin ndaj NFT-ve në seancën e dëgjimit. Megjithatë, me shumë mundësi do të jetë një betejë e vështirë për punonjësit që kundërshtojnë planin; industria NFT ka konvertuar shumë biznese të mëdha në vitet e fundit, me rritje të shitjeve në afro 25 miliardë dollarë në 2021.

Por nuk është e pamundur. Disa kompani në industrinë e lojrave, një komunitet që ka refuzuar me vendosmëri të përqafojë NFT-të, kanë anulluar projektet NFT pas reagimeve të ashpra nga fansat dhe bashkëpunëtorët, duke përfshirë Team17 dhe GSC Game World. Ndërkohë, protesta të ngjashme kundër lëvizjeve ndaj kriptove janë rritur në GameStop dhe Ubisoft.

fastcompany.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0