Punët që të falin më shumë kënaqësi


Puna ka të bëjë me qëllimin. Shumica prej nesh i kalojnë vitet duke punuar, kështu që ajo që ne zgjedhim si karrierë është një pjesë e madhe e gjurmës që lëmë në këtë botë.

Prandaj ne donim të zbulonim punët më të kënaqshme në botë. Kështu që kryem një anketim me profesionistë nga të gjitha sferat e jetës dhe i pyetëm ata se sa të kënaqur ata janë me punën e tyre, për të përcaktuar vendet e punës me shkallën më të lartë të kënaqësisë.

Bazuar në të dhënat e mbledhura, këto janë 4 punët më të mira në botë që të falin më shumë kënaqësi:

1. Pronar biznesi

Shkalla e kënaqësisë: 85%

Njerëzit më të kënaqur me punën e tyre janë pronarët e bizneseve, veçanërisht themeluesit e biznesit (themeluesit kanë një normë edhe më të lartë të kënaqësisë prej 91%). Kjo është interesante, duke marrë parasysh të gjithë stresin që vjen me drejtimin e një biznesi.

Është e qartë se stresi kompesohet nga pasioni i pronarëve të bizneseve për punën që ata bëjnë dhe pronësinë e drejtpërdrejtë që kanë mbi punët e tyre.

2. Drejtor Ekzekutiv

Shkalla e kënaqësisë: 83%

Njësoj si pronari i biznesit, puna e një drejtori ekzekutiv shpesh shoqërohet me orë të gjata dhe stres (i vetmi ndryshim është se një pronar biznesi është padyshim pronari i biznesit, ndërsa një drejtor ekzekutiv zakonisht i raporton një bordi). Por, përsëri, stresi kompensohet lehtësisht nga ndikimi që ka një drejtor ekzekutiv mbi një organizatë.

3. Administrator i Sistemit të TI

Shkalla e kënaqësisë: 81%

Kush mund ta mendonte se punëtorët e TI janë aq të kënaqur me punën e tyre?

Në përgjithësi, administratorët e sistemit janë një kategori që paguhet mirë, me një pagë mesatare prej 68,000 $ në vit në Shtetet e Bashkuara. Dhe sigurisht, kënaqësia qëndron te zotërimi i teknologjive më të fundit dhe siguria që të gjitha sistemet po funksionojnë normalisht.

4. Inxhinier ndërtimi

Shkalla e kënaqësisë: 77%

Ka diçka që të falë tepër kënaqësi në ndërtimin e diçkaje…

Imagjinoni të ecni nëpër një ndërtesë që e keni projektuar vetë? Nuk ka kënaqësi më të madhe se kaq. Mos të flasim pastaj për pagën mesatare prej 76,000 $ në Shtetet e Bashkuara.

/LinkedIn

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale