Në vitin 2020, pandemia globale nxori në pah një hendek të madh dixhital mes amerikanëve. Qeveria federale u zotua ta adresonte këtë problem përmes subvencioneve teknologjike dhe financimeve për internet me shpejtësi të lartë. Një pjesë e këtyre fondeve synonte të zgjidhte mungesën e lidhjeve të fibrave optike në territoret indigjene. Megjithatë, pavarësisht këtyre përpjekjeve, ende në vitin 2024, vetëm 71% e familjeve indigjene kanë akses në internet, krahasuar me 90% mesatarja kombëtare.
Gjendja e lidhjes së internetit në 2024
Sipas Institutit të Politikave Amerikane për Indianët (AIPI), 18% e banorëve në territoret indigjene nuk kanë fare akses në internet, ndërsa 33% mbështeten vetëm në telefonat e tyre të mençur, të cilët shpesh kanë lidhje të pasigurta. Për më tepër, shpejtësia e shkarkimit në këto zona është rreth 75% më e ngadaltë krahasuar me zonat jo-indigjene. Kostoja bazë e internetit është gjithashtu 11% më e lartë në territoret indigjene.
Problemet e financimit dhe ndërlikimet sociale
Historikisht, financimi për zgjerimin e internetit në territoret indigjene ka qenë minimal. Vetëm në vitin 2020, qeveria hapi një “Dritare Prioritare për Fiset”, që u mundësonte komuniteteve indigjene të merrnin licenca për spektrin e telekomunikacionit. Megjithatë, ata duhet të siguronin burimet për ndërtimin e rrjetit vetë. Në vitin 2021, qeveria amerikane nisi programin “Affordability Connectivity Program” me një fond prej 14.2 miliardë dollarësh për të subvencionuar shërbimet e internetit për familjet me të ardhura të ulëta në territoret indigjene. Një tjetër iniciativë ishte Programi i Lidhshmërisë së Territoreve Indigjene, me një fond prej 3 miliardë dollarësh për ndërtimin e infrastrukturës së internetit.
Lexo edhe:Arsyeja e frikshme pse nuk duhet t’ja jepni askujt karikuesin tuaj
Pse zgjidhjet janë ende të ngadalta?
Projektet e fibrave optike kalojnë në faza të gjata miratimi, përfshirë konsultime me agjenci të ndryshme qeveritare dhe autoritete lokale. Për shembull, sigurimi i të drejtave të kalimit dhe marrëveshjeve për përdorimin e tokës mund të zgjasë 18-24 muaj. Ndërtimi i rrjeteve nga financimet e para të vitit 2021 po fillon vetëm tani. Ekspertët theksojnë se rezultatet e investimeve të mëdha do të shihen pas disa vitesh, por fondet duhet të vazhdojnë për të siguruar zgjidhje afatgjata.
Përballja me sfidat
Ndërsa disa kompani private si AT&T kanë nisur iniciativat e tyre, ato përballen me kufizime të tregut dhe negociata komplekse me qeverinë dhe fiset indigjene. Në të njëjtën kohë, programet e hershme si Affordability Connectivity Program kanë përfunduar, duke e bërë më të vështirë për individët në territoret indigjene të përfitojnë nga interneti i përballueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
