Pse shumë sipërmarrës bëjnë një gabim të madh para se të fillojnë? - Business Magazine Albania

Pse shumë sipërmarrës bëjnë një gabim të madh para se të fillojnë?


Në një intervistë në Facebook Live, autorja e “What If It Does Work Out?” Susie Moore tha se një nxitje për të ndërmarrë iniciativa është mënyra e përsosur për t’u drejtuar drejt sipërmarrjes.

Por a mund të fillohet, nëse nuk kemi ndonjë ide?

“Ky është momenti ku shumë njerëz mendojnë se kanë nevojë për një ide të përkryer ose se duhet të presin që të kenë atë shkëndijën e vërtetë të frymëzimit, e cila do u japë ato milionat e artë”, u përgjigj Moore. “Por në të vërtetë, kur vjen puna për të gjetur një ide, duhet vetëm t’i kushtoni vëmendje asaj që ju jeni, çfarë doni dhe çfarë dini të bëni më mirë.”

Në vitin 2013 në moshën 30 vjeçare, Moore la punën e saj ku fitonte rreth 500,000 $ në vit, për të filluar biznesin e saj si trajnere e jetës, pasi zhvilloi kompaninë, ajo mundi të fitonte deri në 4,000 $ në muaj. Tani, ajo inkurajon të tjerët që të ndjekin sipërmarrjen nëpërmjet “Side Hustle Academy“.

“Qartësia nuk vjen nga të menduarit”, tha ajo për Business Insider. “Ky është gabimi më i madh që bëjnë njerëzit, ata mendojnë, mendojnë, mendojnë shumë dhe nuk fillojnë kurrë, qartësia vjen përmes veprimit. Nëse ju filloni diçka dhe nuk ju pëlqen. Nuk ka asgjë të keqe. Ajo nuk ka funksionuar për ju, çdo gjë është në rregull. Kjo ndoshta do të ndodhë, vetëm nëse nuk keni atë urinë sipërmarrëse. Sepse nëse e keni atë urinë sipërmarrëse biznesi juaj do të ndryshojë dhe evoluojë me kalimin e kohës”.

Si fillim, tha ajo, kjo është gjëja më e mirë që mund të bëni.

“Idetë janë të mbivlerësuara. Ekzekutimi është me të vërtetë gjithçka. Gjëja më e rëndësishme është të keni besim tek vetja, të shikoni dhe të kuptoni se çfarë bëni mirë dhe se si mund të jepni vlera me atë gjë”.

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0