Pse ReaktorX është hapi i radhës për ju. Apliko deri me 5 Prill për akseleratorin online


Në vitin 2017, Borys Musielak dhe Marta Diana Koziarska, dy emra tashmë të njohur në eko-sistemin e startup-eve në Poloni, vendosën të ndërtojnë një program akselerator për ndërmarrësit e rinj. Po të njëjtin vit, unë kisha filluar të punoj në një startup timin, i cili quhej SumtheSun dhe isha pjesë e inkubatorit në Innovation Center of Kosovo.

Edhe pse nuk kisha shumë njohuri për ReaktorX apo Poloninë në përgjithësi, vendosa të aplikoj për shkak se dukej mundësi shumë e mirë që t’i jap formë biznesit tim të ri dhe të mësoj gjëra të reja.

Pas procesit të përzgjedhjes së pjesmarrësve, startupi nga Kosova (SumtheSun) u pranua në këtë akselerator në mesin e 10 prej 80 bizneseve të reja që kishin aplikuar në atë kohë.

Sfidat për t’u shpërngulur në Warsaw ishin të shumta, duke përfshirë aspektin financiar, vizat, mos njohja e gjuhës etj. ReaktorX u angazhua maksimalisht që të më ndihmonte mua dhe ekipin tim të shpërnguleshim dhe të ishim pjesë e këtij programi.

Lexo: Ka ardhur koha që bizneset e vogla të krijojnë prezencë online dhe ta perfeksionojnë atë

Tani, tre vite më vonë, pas organizimit të gjashtë akseleratorëve, ReaktorX bën thirrjen e rradhës për pjesëmarrës të rinj. Për shkak të gjendjes aktuale në botë me virusin COVID19, ekipi i ReaktorX kanë vendosur të mbajnë akseleratorin e rradhës online. Data e fundit për aplikim në këtë program është 5 Prill 2020, kurse programi fillon të mbahet me 20 Prill 2020.

Nëse je një ndërmarrës i ri apo ndërmarrëse e re dhe ke pasur një ide të cilën ke kohë që e mendon dhe e planifikon për të punuar në të, ky është momenti ideal që të filloni punën tuaj së bashku me ndihmën e ReaktorX dhe mentorëve të tyre.

Përfito nga shumë benefitet që ofron ky akselerator, prej të cilave unë dua t’i theksoj tri:

Mentorët – Një vlerë që e dallon këtë program prej të tjerëve të ngjashëm me të janë mentorët. ReaktorX ka në listën e tyre një numër të madh të mentorëve apo këshilltarëve, të cilët mund t’ju ndihmojnë të kuptoni më mirë tregun tuaj, klientët tuaj dhe botën e biznesit në përgjithësi. Më e mira e kësaj? Secili nga ju do të keni një person të dedikuar për ju që vjen nga industri e ngjashme, ku synoni të hyni, si dhe ka kaluar nëpër sfidat që ju i keni përpara.

Rrjetëzimi – Në vitin 2017 kur unë isha pjesmarrës i këtij programi kishte aq shumë mundësi të takoja njerëz të ndryshëm dhe t’i njihja me produktin tim, sa që sfida më e madhe ishte të gjeja kohë që t’i përshëndes të gjithë. Për dy muaj sa qëndrova në Warsaw dhe mora pjesë në klasat, garat dhe prezantimet që u organizuan nga ReaktorX, unë arrita të prezantoj produktin tim para më shumë se 10,000 personave. Këto mundësi me kalimin e kohës vetëm sa janë shtuar.

Financimi – E treta, e vërteta! Vënia e kontaktit mes ndërmarrësve të rinjë dhe investitorëve potencialë nuk ishte asnjëherë problem për ekipin e ReaktorX, pasi që nga fillimi ata kishin kontakte të mjaftueshme të bënin këtë. Sidoqoftë, tani me lancimin e SMOK Ventures është bërë edhe më e lehtë. SMOK, një partner i ngushtë i ReaktorX, janë një grup investitorësh nga Polonia dhe Amerika, të cilët janë duke investuar në bizneset e reja, me shuma prej 100 mijë – 1 milionë USD. Krahas kësaj, pas përfundimit të programit ju do të jeni të ftuar në Demo day, e cila organizohet nga ReaktorX dhe ku zakonisht marrin pjesë 200+ investitorë, para të cilëve ju do të keni mundësi të prezantoni produktin tuaj.

Nëse tashmë jeni të bindur të aplikoni në programin e organizuar nga ReaktorX, keni bërë zgjidhje të mrekullushme për veten dhe biznesin tuaj! Aplikoni para datës 5 Prill 2020 duke vizituar linkun reaktorX.com dhe dikush nga ekipi i ReaktorX do t’ju kontaktojë shumë shpejt.

Mundësia që të jeni pjesë e një programi akselerator ndërkombëtar si ky, me mundësi të mbajtjes së të gjitha klasave, ligjëratave dhe këshillave online, nuk vjen shpesh. Duke u bazuar në eksperiencën time 5 vjeçare në eko-sistemin e bizneseve të reja, nuk ka moment ideal për të nisur një produkt të ri. Sidoqoftë, ne si ndërmarrës dhe persona që kemi ambicie të larta, kemi detyrim të punojmë më shumë, të marrim përsipër sfida më të mëdha dhe të jemi të vendosur në kohë të pasigurta.

Me gjithçka që po ndodhë nëpër botë, do të ishte mirë të përdorim kohën që qëndrojmë në shtëpi dhe të jemi produktiv, duke filluar një biznes për të cilin ka kohë që po mendojmë.

Një listë më të gjatë me informacione për mentorë të rinj që i bashkangjiten ReaktorX për këtë thirrje mund ta gjeni edhe në artikullin Why are we making our flagship acceleration program remote-first.

Ju rikujtoj, afati i fundit për aplikim është data 5 Prill 2020 dhe kjo është ajo mundësia që ju si ndërmarrës të rinj gjithmonë keni kërkuar.

Shkruar nga:

Mendim Avdyli, Ndërmarrës dhe Programues nga Prishtina, Kosova

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale