Pse freelancing digjital është e ardhmja e punës? - Business Magazine Albania

Pse freelancing digjital është e ardhmja e punës?

freelancing digjital

Bota e korporatës ka ndryshuar më shumë në dy vitet e fundit sesa në njëzet vitet e fundit. U desh një pandemi për t’i bërë njerëzit të kuptojnë se nuk kanë nevojë të udhëtojnë për punë dy orë në ditë për t’u ulur para një kompjuteri që thjesht është i lidhur me internetin.

Nuk është më e mundur të tërheqësh njerëz për të punuar në një punë me kohë të plotë në një zyrë korporative, sepse njerëzit e kanë kuptuar se ideja e një pune “të sigurtë” është vetëm një ëndërr që mund të shembet në çdo kohë. Nuk ka nevojë të punojmë në një vend specifik në një qytet specifik, sepse të gjithë jetojmë në fshatin global që quhet internet.

Nëse keni ekspertizë në një aftësi specifike, mund të punoni në distancë për kompanitë më të mira në botë me të ardhurat që konkurrojnë me këdo në botë me të njëjtën aftësi. Dhe pjesa më e mirë është se ju mund të punoni në bazë të kontratave.

Atëherë, çfarë po i pengon njerëzit të bëhen profesionistë të pavarur dhe të heqin dorë nga puna e tyre ditore (nëse janë me fat të kenë një të tillë)? Mungesa e një marke personale.

Lexoni: 7 këshilla për t’u bërë një freelancer i suksesshëm

Bota e korporatave me kohë të plotë operon me rregulla pak më të ndryshme ku mund të kaloni nga një kompani në tjetrën bazuar në rrjetin dhe ndikimin tuaj personal. Por në botën e freelancing, të kesh një rrjet personal nuk mjafton, të duhet një markë personale.

Ndërtimi i një marke personale nuk do të thotë të bëhesh i njohur. Një markë personale krijohet kur i shtoni vlerë jetës së njerëzve përmes përmbajtjes tuaj, ndonjëherë pa tarifuar asgjë për të.

Nëse doni të krijoni një markë të fortë personale si një ndikues, duhet të filloni me Blogging. Shkruani disa artikuj në muaj për atë që mësoni, atë që dini dhe atë që keni përjetuar. Shkrimi është mënyra më e mirë për t’ja bërë të ditur botës se ju ekzistoni.

Sapo të filloni të shkruani, do të shihni se mundësitë do të vijnë në rrugën tuaj. Filloni të ndihmoni njerëzit me përmbajtjen tuaj dhe pastaj me konsulta falas. Ka një mori mundësish të freelancing në botë, dhe ju mund të bëheni specialist në një kategori të caktuar. Le të themi, për shembull, ju jeni një ekspert në SEO. Filloni të shkruani në lidhje me SEO në blogun tuaj, ndani ato në mediat sociale dhe postoni video për ato që dini.

Kërkoni kompani që doni të ndihmoni dhe mbase krijoni një raport të auditimit SEO për ta dhe dërgojeni me email drejt tyre. Nëse shtoni më parë vlerë në vend që të kërkoni një mundësi, mundësitë do të dalëin në rrugën tuaj.

Ju nuk mund të kërkoni ngrohje para se të vendosni copën e drurit për t’u ngrohur. Vendosni një kalendar që tregon orët tuaja të disponueshme dhe lejoni që njerëzit të rezervojnë një telefonatë konsultimi falas 15-20 minutëshe me ju. Kjo është mënyra se si ju shtoni vlerë dhe më pas merrni një shitje, pa kërkuar në mënyrë të qartë për shitjen.

Freelancing ju bën një sipërmarrës ku produkti është vetja juaj. Ky është hapi i parë në udhëtimin tuaj të gjatë për të ndërtuar diçka për veten tuaj, që përfundimisht bëhet më e madhe se vetja juaj.

Freelancing gjithashtu kërkon aftësi në marrëdhëniet profesionale, aftësi në shitje dhe aftësi për të shtuar më shumë vlerë sesa ajo për të cilën paguheni. Kjo aftësi ndryshon shumë nga aftësia për të qenë thjesht një punonjës.

Nëse nuk jeni në një punë korporative me kohë të plotë tani, është koha për të filluar profesionin në vend që të përpiqeni të gjeni një punë në rendin e ri botëror pas pandemisë.

Lexoni: Ngritja e ekonomisë “freelancer”

Nëse tashmë jeni në një punë në korporatë, duhet të filloni punën e freelancing sa më shpejt të jetë e mundur. Edhe nëse thjesht po ndërtoni markën tuaj dhe po bëni konsulta falas, është më se e mjaftueshme për të filluar, sepse krijon bazën për udhëtimin tuaj të ardhshëm.

Ju mund të keni dyshime duke filluar në këtë udhëtim nëse jeni një punonjës ose keni qenë një i tillë. Sepse mendësia tipike e një punonjësi është të kërkojë siguri dhe “diçka të garantuar” për çdo përpjekje që bën. Fillimi me karrierën tuaj të freelancing është hapi i parë në trajtimin e karrierës dhe pasigurisë profesionale.

Nuk mund t’ju them se cilat mundësi do të merrni pasi të filloni të ndërtoni markën tuaj personale, por mund të them me bindje se sapo të filloni, mundësitë do t’ju trokasin në derën tuaj.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0