Një prototip i një rakete të kompanisë SpaceX, ka shpërthyer gjatë testimit të premten në pjesën jugore të Teksasit në Shtetet e Bashkuara, pasi kompania e Elon Musk ndoqi një plan agresiv për të përfunduar me sukses projektin për dërgimin në hapësirë të anijes së parë private kozmike.
A Starship prototype just exploded in Boca Chica, Texas during static fire testing. SpaceX was granted an FAA license yesterday to conduct suborbital flights, not sure when those first test flights will happen. Video/live feed from @NASASpaceflight pic.twitter.com/dqnQv1lqBV
— Joey Roulette (@joroulette) May 29, 2020
Shpërthimi i kësaj rakete nuk lidhet me nisjen e dy astronautëve të NASA-s nga Qendra Hapësinore “Kennedy” në Florida, ku do të përdoret një sistem tjetër raketor, Falcon 9 me kapsulën Dragon Crew, të fiksuar në majë. Prototipi u përfshi nga flakët në qendrën testuese “Boca Chica” të kompanisë SpaceX. Nuk pati raportime fillestare për dëme apo të lënduar, shkruan “The Guardian”. Raketa “Starship”, e cila është 120 metra e gjatë, e dizajnuar për të transportuar njerëz dhe 100 tonë ngarkesë në Hënë dhe Mars dhe është pjesë e planeve të kompanisë së famshme për udhëtim të njerëzve në hapësirë në mënyrë të përballueshme në aspektin financiar.
Lexoni: 6 fakte rreth fluturimit të Space X
SpaceX ishte në mesin e tri kompanive që përfituan një miliard dollarë nga NASA muajin e kaluar për projektin e transportimit të njerëzve dhe ngarkesave në Hënë. SpaceX propozoi Starship për çmimin. FAA i dha kompanisë hapësinore të drejtën për të filluar testet e para të fluturimit suborbital megjithëse është ende e paqartë kur do të ndodhin këto teste.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
