Në vitet ’60, premtimi i fluturimit në hapësirë për civilët dukej thjesht jashtë mundësive. Mbi të gjitha, NASA po dërgonte astronautët në Hënë. Në këtë mënyrë turizmi hapësinor paska qenë më afër se sa mendohej. PanAm kapi ëndrrën kolektive të amerikanëve që dëshirojnë të udhëtojnë në hapësirën e jashtme. Ata krijuan Klubin “Fluturimet e Para në Hënë”. Anëtarësimi ishte falas, dhe emri juaj futej në listën e pritjes për fluturimet e para tregtare në hapësirë; u regjistruan mbi 96,000 njerëz. PanAm kurrë nuk ishte në gjendje ta realizonte ëndrrën dhe kompania falimentoi në fillim të viteve nëntëdhjetë. Tridhjetë vjet më vonë, SpaceX do të bëhet kompania e parë private që dërgon astronautë në hapësirë. Më poshtë po japim disa fakte interesante rreth fluturimit historik të planifikuar të zhvillohet pak të Shtunën.
DO TË JETË FLUTURIMI I PARË I FINANCUAR NGA PRIVATI.
Elon Musk e konceptoi SpaceX në 2001 për të dërguar një serë në Mars. Shpresa e tij ishte se misioni do të ringjallte interesin e Amerikës për udhëtimin në hapësirë. Nga ajo kohë e deri më sot, kompania ka pasur shumë risi, duke përfshirë lëshimin dhe rikuperimin e një rakete, dërgimin e një anije kozmike në Stacionin Ndërkombëtar Hapësinor dhe dërgimin e një sonde jashtë orbitës së Tokës.
EKUIPAZHI PËRBËHET NGA ASTRONAUTËT E NASA-S.
NASA trajnoi Bob Behnken dhe Doug Hurley, të cilët po bëhen gati për të shkuar në Stacionin Ndërkombëtar Hapësinor. Nëse fluturimi është i suksesshëm, NASA do të përdorë kompani private për të dërguar astronautët e tyre në hapësirë në të ardhmen e afërt.
MISIONI I PARË NGA GJASHTË MISIONET E NGJASHME.
NASA nënshkroi një kontratë prej 2.6 miliardë dollarësh me SpaceX për disa misione, për të dërguar astronautë dhe pajisje në Stacionin Ndërkombëtar Hapësinor.
KY FLUTURIM DO T’I JAPË FUND VARËSISË SË NASA-S NGA ANIJET RUSE.
Në vitin 2004, Presidenti Bush mbylli programin e fluturimit të NASA-s sepse ishte shumë i kushtueshëm. Në atë kohë, ai përshkroi zhvillimin e një mjeti eksplorimi për t’u kthyer në Hënë dhe për të zbritur Mars. Sidoqoftë, me buxhetin e kufizuar të NASA-s, financimi i një programi të ri fluturimi ishte i pamundur. Praj asaj kohe, astronautët e NASA-s kanë përdorur anijet ruse Soyuz për të arritur në Stacionin Ndërkombëtar Hapësinor.
NASA GJITHASHTU KA NJË KONTRATË ME BOEING.
Boeing zhvilloi CST-100 Starliner për orbitat e afërt të Tokës. Do të transportojë astronautët në Stacionin Ndërkombëtar Hapësinor, plus kërkime dhe pajisje. Do të ketë gjithashtu internet wireless dhe ndërlidhjet e tabletave për t’u përdorur nga ekuipazhi.
NISJA NGA TOKA NDIKON NEGATIVISHT TEK ANIJET.
Kostoja e mirëmbajtjes së anijeve ishte një nga arsyet kryesore të mbylljes së programit të fluturimit të NASA-s. Musk pretendon se SpaceX mund të ripërdorë një përqindje të lartë të anijes Falcon mbi 100 herë, por mburoja e nxehtësisë zgjat vetëm për dhjetë udhëtime.
