Projekti My-Gateway hap thirrjet për aplikime për 22 startup-e, për të ndjekur Samitin Europian të Startup-eve - Business Magazine Albania

Projekti My-Gateway hap thirrjet për aplikime për 22 startup-e, për të ndjekur Samitin Europian të Startup-eve

~4 minuta lexim


Projekti MY-GATEWAY ka hapur thirrjet për aplikime për 22 startup-e nga Europa Qendrore dhe Lindore si dhe nga Ballkani Perëndimor për t’u bërë pjesë e Samitit Europian të Startup-eve që do të zhvillohet në Sofje të Bullgarisë.

Gjithsej 22 startupe, 12 nga Europa Qendrore dhe Lindore dhe 10 nga Ballkani Perëndimor, do të përzgjidhen për të marrë pjesë në edicionin e sivjetshëm të ‘Eventit Europian të Startup-e ve’. Një komision i përbërë nga organizata që mbështesin startup-et nga vendet e Europës Qendrore dhe Lindore si dhe të Ballkanit Perëndimor do të përzgjedhin 22 startup-e përmes disa kritereve specifike.

Startup-eve të përzgjedhura do t’u jepet mundësia për të takuar njerëz të profilit të lartë si Kryeministra dhe politikëbërës të Komisionit Europian për të diskutuar mbi sipërmarrjen dhe mundësitë e reja që po shfaqen. Shpenzimet e udhëtimit dhe akomodimit për startup-et e përzgjedhura do të rimbursohen nga Komisioni Europian.

Axhendën për Samitin do ta gjeni këtu.

Nëse doni të aplikoni kliko këtu.

Në mënyrë që të merren parasysh për procesin e aplikimit dhe të përzgjidhen përfundimisht për të marrë pjesë në Samitin Europian të Startup-eve, startup-et duhet të ketë një potencial të lartë rritjeje, një prototip apo një plan biznesi të qëndrueshëm dhe një ide unike biznesi.

Çfarë është Samiti Europian i Startup-eve?

Samiti Europian i Startup-eve është një event i Komisionit Europian, i cili synon të bashkojë themeluesit e startup-eve dhe ligjvënësit. Më shumë se 400 vetë do të marrin pjesë në edicionin e këtij viti për të mësuar rreth mundësive të reja të financimit, për të takuar sipërmarrësit dhe të bëhen pjesë e ekosistemit si dhe të përfitojnë nga mundësia që u jepet për të lidhur pse jo dhe një marrëveshje biznesi.

Çfarë është MY-GATEWAY?

MY-GATEWAY është një iniciativë e Startup Europe që ka për qëllim t’iu vijë në ndihmë startup-eve teknologjike dhe SME-ve inovative nga Europa Qendrore dhe Lindore në mënyrë që të ekspozohen në tregun e huaj si dhe të kenë mundësi të përfitojnë financime.

Për më shumë informacion klikoni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0