Projekti "Liter of Light" do të sjellë dritë, duke përdorur llambat e bëra nga shishe plastike - Business Magazine Albania

Projekti “Liter of Light” do të sjellë dritë, duke përdorur llambat e bëra nga shishe plastike


Një nga ndikimet e menjëhershme të një fatkeqësie natyrore, si uragani në Haiti, është se ajo shpesh pasohet nga errësira.

Më shumë se 1.5 miliardë njerëz përballen me errësirë të ngjashme si në rastin më sipër, ose me ndriçimin e zbehtë të qirinjve ose llambave të vajgurit, tymi i të cilave është helmues.

Disa prej këtyre komuniteteve janë shumë larg dhe nuk kanë energji elektrike. Të tjerët kanë energji elektrike, por nuk e përdorin atë, sepse është e shtrenjtë.

Problemi shkon përtej mungesës së dritës. Ajo shtrihet në çështje afatgjata në lidhje me sigurinë, pavarësinë, shëndetësinë dhe arsimin.

Një projekt i quajtur “Liter of Light” është duke u përpjekur t’a ndryshojë këtë duke përdorur shishe plastike.

Si funksionon?

Shishet plastike janë të mbushura me ujë dhe zbardhues, të cilat eliminojnë algat që e kthejnë ujin në të gjelbër. Shishet janë instaluar në çatitë e shtëpive dhe punojnë si një pasqyrë në çati, përthyejnë dritën në 360 gradë duke ofruar një llambë natyrale gjatë ditës.

Një mikrokozmos për sipërmarrësit

Projekti i jep mundësi popullsisë lokale për të paguar kur ata të fillojnë të bëjnë para nga shitja e llambave, që është më mirë se ta sjellin produktin nga jashtë dhe t’u kërkojnë njerëzve ta shesin atë.

Tre vjet më parë “Liter of Lights” ndriçoi dhoma dhe shtëpi. Tani ajo ka në plan të ndriçojë fshatra të tëra, të krijojë sistemet e ndriçimit publik duke përdorur metoda të lira dhe të qëndrueshme të energjisë diellore. Më shumë se 650.000 nga këto dritat janë vendosur tashmë në rreth 20 vende.

Sa kushton?

Një llambë e bërë me shishe plastike kushton rreth 3$. Llambat e rrugës mund të shkojnë nga 25$ deri në 30$. Llambat më të fuqishme shiten për 60$ të. Por në krahasim me dritat e tjera, të cilat kushtojnë rreth 1.000 $, kjo është e përballueshme dhe mjaft efikase.

 

Burimi: mashable.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0