Programi 1-vjeçar i shkencës në Shqipëri -YSAP- përfundon me sukses

Programi 1-vjeçar i shkencës në Shqipëri -YSAP- përfundon me sukses

YSAP

Philip Morris Albania & DDAER mbështetën 3 projekte kërkimore shkencore gjatë vitit 2019-2020.

Programi akselerator i studentëve të shkencës YSAP (Young Scientists Acceleration Program) finalizon projektin 1-vjeçar në ndihmë të studiuesve dhe shkencëtarëve të rinj.  Ky program u realizua nga organizata joqeveritare DDAER, me mbështetjen financiare të kompanisë Philip Morris, që operon në Shqipëri.

Lexoni: Programi YSAP shpall studiuesit fitues në Shqipëri

Ndonëse të gjendur në kushtet e paparashikuara të pandemisë globale të Covid-19, YSAP dhe tre studiuesit e përzgjedhur ja dolën të përmbyllnin me sukses kërkimet e tyre shkencore të realizuara në fushat e mjekësisë, kimisë dhe bujqësisë.

Emi Gliozheni, studiuese në shkencat natyrore dhe mjekësi zhvilloi gjatë këtij viti pranë Universitetit INSUBRIA në Varese të Italisë, punën kërkimore mbi vlerësimin e embrionit në kushte të ndryshuara fiziologjike pas vlerësimit gjenetik në fazën e blastocistit.

Në fushat e bujqësisë dhe inxhinierisë, studiuesi Donald Selmanaj përfundoi projektin që gërsheton këto fusha në një zbatim të vetëm AutoFarm: Bujqësia e Automatizuar, pranë Universitetit Politeknik të Tiranës.

Ndërsa pranë Fakultetit të Shkencave të Natyrës në Tiranë, studiuesja Silvana Gjyli, zhvilloi punën kërkimore mbi “Testimi i zeoliteve artificiale të përftuara nga mbeturinat industriale si katalizatorë për funksionalizimin e përbërjeve fenolike, që do të përdoren në prodhimin e barnave”.

Të tre studiuesit zotërojnë titullin PhD dhe vijnë me eksperienca disa vjeçare në fushën kërkimore shkencore, u përzgjodhën nga programi YSAP, mes dhjetëra aplikimeve, duke përfituar bursa studimore, qasje në kurse dhe biblioteka online, si dhe konferenca dhe revista shkencore. Gjatë këtij viti intensiv kërkimesh shkencore, ata morën mbështetjen e nevojshme për të zhvilluar dhe zbatuar propozimet e tyre.

Krahas bursave studimore të ofruara për 3 studiues të rinj, në përmbyllje të këtij projekti, u realizua dhe një donacion me pajisje laboratorike në vlerën 15.000 dollarë për laboratorin shkencor të Fakultetit të Shkencave të Natyrës në Tiranë. Laboratori u pasurua me furrë Mufel, sterilizator, përzierës magnetik, pompë vakumi, termometër digjital si dhe materiale përdorimi siç janë letër indikator, sodium hydroxide pellets, acid klorhidrik, etj.

Ky financim i realizuar nga Philip Morris vjen në kuadër të mbështetjes që kjo kompani po bën për zhvillimin e shkencës në vendin tonë si shtysë për ekonominë, por edhe zhvillimin social.  Prej më shumë se një dekade Philip Morris International po investon në shkencë dhe teknologji, për të ofruar një të ardhme pa tym për të gjithë duhanpirësit e rritur.

Programi YSAP (Young Scientists Acceleration Program), i financuar nga kompania Philip Morris është gjithnjë në mbështetje të shkencëtarëve të rinj, por edhe ndihmon në zhvillimin e shkencës në Shqipëri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0