Me optimizëm dhe doza inkurajuese David Reside, Shef i Departamentit për Europën dhe Euroazinë i USAID në Washington, i cili ka ardhur për një vizitë në Shqipëri, vlerëson agrobizneset shqiptare me nota maksimale, duke i cilësuar impresionuese dhe mahnitëse.
“Jam i bindur se produktet tuaja cilësore do t’i gjej së shpejti në SHBA. Madje mezi pres t’i shoh,” thotë me bindje përfaqësuesi i lartë i USAID Reside, pas vizitave në disa prej agrobizneseve të suksesshme shqiptare në Goriçan të Beratit e Krutje të Lushnjes. Rrugëtimi nisi me vizita dhe takime me prodhues të produkteve në serra dhe konsoliduesve në fshatrat e Beratit, mbështetur nga projekte të USAID dhe AAC Lushnja e më pas, në Krutje.
Projekti, i cili kap shumën 5 milionë euro shtrihet në 30 hektarë sera të Krutjes, në një nga zonat më pjellore në vend, ku 10 ha janë serrë me teknologji të lartë dhe 20 ha në fushë të hapur.
Nuk ka qenë e lehtë, por jo e pamundur. Falë mbështetjes së USAID dhe Projektit AgroCapital zbatuar nga CBS, kjo sipërmarrje e re është ndihmuar për lehtësimin e financimit përmes një kredie tregtare, duke asistuar në zhvillimin e plan biznesit, certifikimin e produkteve dhe rritjes së teknologjive prodhuese. Suksesi i qartë është bazë e fortë për të kaluar në bashkëpunimin përmes projektit të ri të USAID e CBS, SmartCapital, përmes të cilit ky biznes do të vijojë zgjerimin e prodhimit, shtimin e sistemeve frigoriferike dhe zgjerimin e kompanisë me financim nga grantet e AZHBR dhe IPA.
Prodhimet unike dhe cilësore shqiptare po zgjerojnë jehonën e emrit të mirë të Shqipërisë në botë duke bërë që prodhimet bujqesore shqiptare të kërkohen ne tregjet e huaja dhe të pelqehen vazhdimisht.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
