Prodhimi i shegës. Si po zhvillohen fermat në rrethinat e Shkodrës » Business Magazine Albania – Media Dixhitale dedikuar Sipërmarrjes
Përditësuar së fundmi: 16/08/2019

Prodhimi i shegës. Si po zhvillohen fermat në rrethinat e Shkodrës

Share
nga Admin
Gus 16, 2019
Business Magazine Albania constitutes an online periodical publication of business related articles. It is the first of
lexo me teper >

Vjelja e shegës, frutit me kurorë, fillon nga fundi Shtatorit. Zenel Kuti tregon se të parën aty, kanë zgjedhur kultivimin e shegës pasi zona është e njohur për të. Grumbulluesit vijnë nga Tirana për të marrë prodhimet. Shega ka qënë gjithmonë pjesë e jona,- thot ai,- madje kemi pasur dhe shegë të egra në fshatin e vjetër – Krebaj, –  ku qytetarët e Shkodrës vinin dhe veronin e shijonin natyrën.

Puna e tij dhe formimi, e kanë ndihmuar të fitojë më shumë përvojë, e të zhvillojë metodat e reja të kultivimit. “Kemi shkëmbyer eksperienca, përmes trajnimeve në Lushnje dhe në Vlorë”, thotë Kuti. Ai tregon se pun aka filluar nga zero, tek toka e gjyshit, e cila e bën krenar. Me këtë punë, ai mundohet ҫdo ditë të plotësojë nevojat e familjes.

Në vitin 2000 familja e tij vendoset në Alimetaj- Fshat në Oblikë, duke ardhur nga Taraboshi. Në Alimetaj janë gjithsej 70 shtëpi. Në fshatin e vjetër nuk ka më njeri, pasi nuk ka rrugë.

Krahas kultivimit të shegëve, familja Kuti është fokusuar edhe tek prodhimet bio. Por, për këtë duhet investim.

Lexo: Fermeri Zija Keshi: “Vendi im më dha mundësinë të jem sipërmarrës”

Punojmë familjarisht, thotë Zenel Kuti. Rrënjët e shegëve 10 vjeҫare, ujiten me pika dhe përdoret vetëm plehun organik, i fermës së tij.

Prodhimet e serës ndërkohë, i tregton në Mal të Zi. Me një investim të fundit ata kanë  ngritur një inkubator për vezët e pulave. Familja Kuti ka aktualisht mbi 1000 pula.

Zeneli e ka zhvilluar biznesin e tij, bazuar në mikrofinancë. Ai është financuar 3 herë nga FED invest, si në bujqësi, pemëtari dhe së fundi edhe në pulari.

Zona ku ai punon është kthyer në një zone shumë të njohur në Shqipëri për kultivimin e shegës. Aktualisht Zeneli ka 700 rrënjë shegë dhe synon që të rrisë deri në 1000 rrënjë. Tashmë në këtë zonë janë mbi 30 fermerë, që kanë më shumë se 10.000 rrënjë shege të butë, të cilën e kanë kultivuar prej më shumë se 20 vitesh. Sasia e prodhimit për zonën Alimetaj-Velinaj është deri në 60 tonë shegë e butë.