Fermeri Zija Keshi: "Vendi im më dha mundësinë të jem sipërmarrës"

Fermeri Zija Keshi: “Vendi im më dha mundësinë të jem sipërmarrës”


Zija Keshi, ka punuar më parë bojaxhi në Itali. Ai sot drejton një fermë të çertifikuar në Dibër dhe është konfirmuar tashmë si një sipërmarrës i suksesshëm. 

Ai nisi të kultivojë sherebelë në vitin 2012. Dëshira për të sjellë varietete të reja medicinale në Shqipëri e ka shtyrë të zgjerojë aktivitetin. 

Në kultivim, ai ka përfshirë dy varitete të panjohura dhe shumë të dobishme për shëndetin e njeriut: frutin Aronia dhe Goji-berry. Për BusinessMag.al ai tregon se për të patur këto dy fruta pjesë të parcelës së tij i është dashur t’i blejë në vende të largëta. Frutin e Aronjës e ka marrë në Amerikë e ndërsa atë të Goji-berry në Kinë.

Zija Keshi është shumë i kujdeshëm dhe i matur në punën e tij. Para se të fillojë të kultivojë frutin medicinal, ai paraprakisht bën eksperimente. Nëse bima nuk adaptohet me kushtet klimatike të zonës së Dibrës, ai nuk vazhdon më tej, por hidhet në kërkim të diçkaje tjetër. Ai është vazhdimisht në kërkim të zgjerimit të fermës së tij, pasi numri i klientëve i është shtuar. Sasia e Aronjës që prodhon në fermën e tij, nuk e përballon dot tregun shqiptar dhe për këtë ka menduar edhe rritjen e numrit të fidanëve. Të dyja këto fruta njihen si çudibërëse për shëndetin, dhe zotërojnë vitaminën P që nuk e ka asnjë frut tjetër.

Aronia  përveç vlerave kurative si: kurimi i diabetit, tensionit, sëmundjeve të zemrës etj, ka edhe një çmim të kënaqshëm për shitje. I pyetur nga BusinessMag.al se ku ndryshon ferma e tij nga fermat e tjera, ai shprehet se nuk di të thotë diçka për aq kohë sa nuk është në brendësi të tyre, por për fermën e tij ai thotë se gjithçka trajtohet në mënyrë 100% organike vetëm me ujë dhe me pleh organik.

Fokusi i tij nuk është vetëm fitimi i të ardhurave monetare, por zgjerimi informacionit rreth këtyre bimëve tek shqiptarët. Thekson shpesh se mungesa e informacionit për këto bimë medicinale është e madhe dhe se ndërgjegjësimi është me e pakta që mund të bëhet.

Lexo: Eliksir, lëngu i frutave që prodhohet në Dibër dhe eksportohet në Azi

Mbështejtja më e madhe e tij në gjithë këtë rrugëtim ka qenë familja e tij. Një tjetër hap i ndërmarrë nga ai, është edhe kultivimi i paulonjës. Nga kultivimi i paulonjës ai nuk ka marrë rezultatet e pritura, pasi kushtet klimatike të zonës nuk favorizojnë siç duhet rritjen e saj.

Një pasuri e fermës së tij është çertifikimi nga Enti Shtetëror i Degës së Farave dhe Fidanëve, për prodhim dhe kultivim fidanësh. Vitin e kaluar ai shtoi lajthinë turke dhe boronicën, të cilat dhanë rezultate të shkëlqyera.

Në të ardhmen synon që të rrisë sipërfaqen e fermës me bimë të reja medicinale. Këtë vit ai do të nisë edhe trajnimin e studentëve me seminare dhe praktikë lidhur me këto bimë çudibërëse.

Mesazhi i tij për të rinjtë është se, “Mundësinë për t’u bërë sipërmarrës ma dha vetëm vendi im. Shqipëria është vendi i mundësive. Nëse keni vullnet dhe dëshirë gjithçka mund të arrihet”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0