“Praktika është çelësi i të qënurit një udhëheqës i shkëlqyer”

“Praktika është çelësi i të qenurit një udhëheqës i shkëlqyer”

David Finkel, Autor

Çdo ditë ka gjithmonë diçka që mund ta përmirësosh. Si trajner biznesi, flas me mijëra lidera çdo vit. Pronarë të shkëlqyer të biznesit që kanë ndërtuar dhe shkallëzuar biznese për t’i shërbyer industrisë dhe klientëve të tyre. Megjithatë, pothuajse të gjithë me të cilët flas, dëshirojnë që  të jenë udhëheqës më të mirë në çdo aspekt.

Pavarësisht nëse kjo do të thotë të jesh në gjendje të stërvitësh dhe mbështesësh anëtarët e ekipit, të punësosh në mënyrë më efikase, të punosh me shitës të jashtëm për të marrë rezultatet më të mira të mundshme, ose diçka tjetër, gjithmonë ka diçka të cilën dëshirojnë të mund të përmirësojnë. Kështu që sot unë dua të ndaj me ju konceptin e “praktikës së qëllimshme”, dhe mënyrën se si unë dhe pronarët e tjerë të biznesit e përdorim atë për t’u bërë më të mirë në udhëheqjen e ekipeve tona.

Lexo:16 Mënyra se si të shokoni dhe të habisni klientët

1.Zgjidhni aftësinë që dëshironi të përmirësoni

Hapi i parë për një praktikë të qëllimshme është të vendosni saktësisht se për çfarë dëshironi të përmirëhesoni si udhëheqës. Dëshironi të jeni me të vërtetë të qartë dhe konciz pikërisht në atë që doni të përmirësoni gjatë muajit ose tremujorit të ardhshëm. Drejtori im i marketingut, për shembull, dëshironte të bëhej më i mirë në punën me shitës të jashtëm dhe identifikimin kur ka vonesa në komunikim ose boshllëqe që mund të ndikojnë në performancë. Kështu që vendosi të ulej një herë në javë dhe të vlerësonte në një shkallë nga 1 në 10 sesi po zhvillohet komunikimi me secilin nga shitësit e jashtëm, së bashku me çdo vëzhgim ose problem që ka vërejtur gjatë shtatë ditëve të fundit. Për ju, mund të jetë diçka ndryshe. Kryesorja është të jesh specifik.

2.Jini të vëmendshëm

Hapi tjetër për një praktikë të qëllimshme është të keni kujdes për veprimet ose vëzhgimet tuaja rreth sendit në fjalë. Në shembullin e mësipërm, drejtoresha ime e marketingut i kushton 10 minuta në javë rishikimit të kanaleve të komunikimit të shitësve. Kjo zakonisht shkon krah për krah me raportet tona që bëjmë çdo javë. Gjatë asaj kohe, ajo mund të kuptojë se nuk ka marrë fare informacion nga një shitës i veçantë atë javë. Ajo mund të kuptojë gjithashtu se një shitës po bën një punë të mahnitshme për ta mbajtur në rregull dhe për ta azhurnuar atë sipas nevojës. Nëse ajo nuk do të merrte 10 minuta kohë për të menduar për secilin shitës dhe kanalet e tyre të komunikimit, informacioni i tillë ka shumë të ngjarë të kalonte pa u vërejtur.

INC:DAVID FINKEL

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale