Posta Shqiptare: “Tregtia online duhet inkurajuar”


Posta Shqiptare nuk bie dakord me vendimin e fundit të qeverisë për të tatuar të gjitha blerjet online mbi 22 euro. Në një deklaratë të shpërndarë për mediat, Posta Shqiptare thekson se ‘qëndrimi i saj ka qenë dhe mbetet se “tregtia online” duhet inkurajuar, duke rritur pragun e përjashtimeve doganore’.

Por në kushtet e vendimmarrjes së re, me uljen e tavanit për përjashtimin nga detyrimet doganore në 22 euro për blerjet online dhe 45 euro për dërgesat nga individët jashtë vendit, Posta Shqiptare do të fillojë nga java e ardhshme proçedura të reja lehtësuese për gjithë klientët.

Posta Shqiptare do të mundësojë nga data 22 gusht kryerjen pranë zyrave të saj edhe të proçedurës së plotësimit të deklaratës së thjeshtuar doganore dhe arkëtimit të detyrimit doganor, kundrejt një tarife modeste krahasuar me agjensitë private doganore dhe pagesat doganore në sistemin bankar.

Burimi: gazetadita.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale