Portali e-Albania ju mundëson të merrni online dokumentin teknik arkivor "Fletë projekti" - Business Magazine Albania

Portali e-Albania ju mundëson të merrni online dokumentin teknik arkivor “Fletë projekti”


Çdo ditë në portalin qeveritar e-Albania shtohen shërbimet e ofruara duke na i lehtësuar procedurat me vetëm një klikim. Arkivi Qendror Teknik i Ndërtimit (AQTN) ofron përmes portalit e-Albania tre shërbime elektronike: Aplikim për marrje fletë projekti, aplikim për marrje dosje pronësie dhe aplikim për marrje Gen-plan (A3/A4).

Nëpërmjet shërbimit “Marrje fletë projekti”, ju mund të merrni online dokumentin teknik arkivor “Fletë projekti”, që nevojitet për regjistrim prone, leje ndërtimi, proces gjyqësor, efekt tatimor, studime etj.

Baza ligjore:
– Ligji Nr. 7726, datë 29.06.1993, “Për Fondin Arkivor Kombëtar dhe për Arkivat”
– Ligji Nr. 9154, datë 06.11.2003, “Për Arkivat”
– VKM Nr. 377, datë 26.07.1993
– Ligji Nr. 10119 datë, 23.04.2009, “Për Planifikimin e Territorit”, i ndryshuar
– Urdhër Nr. 36, datë 24.02.2014, “Për miratimin e rregullores së brendshme për organizimin dhe funksionimin të AQTN”

Lexoni: e-Albania iu mundëson bizneseve të shkarkojnë në kohë reale certifikatën e regjistrimit në Qendrën Kombëtare të Biznesit

Dokumentacioni i nevojshëm
– Dokument identifikimi (ID) ose pasaportë biometrike ( i nevojshëm për t’u loguar në portal)
– Shkresë kur kërkohet nga subjekte shtetërore ose private

Hapat e procedurës
– Identifikohuni në portalin e-Albania
– Zgjidhni shërbimin “Marrje fletë projekti”
– Klikoni butonin “Përdor”
– Plotësoni formularin elektronik me të dhënat e kërkuara
– Dërgoni aplikimin duke klikuar mbi butonin “Apliko”
– Ruani numrin e aplikimit të dërguar, me të cilin mund ta kërkoni më pas duke shtypur butonin “Aplikimet e mia” dhe të gjurmoni në çdo moment statusin e aplikimit tuaj
– Punonjësi i specializuar i AQTN-së njoftohet elektronikisht për ardhjen e aplikimit te ri, ku pasi shqyrton kërkesën, e aprovon ose refuzon atë (nëse kërkesa nuk është e qartë ose nuk disponohet dokumentacioni i kërkuar).
– Në çdo rast (refuzimit apo aprovimit të kërkesës), ju mund të gjurmoni statusin e aplikimit tuaj në kolonën “Statusi”, pasi të kërkoni aplikimin tuaj nëpërmjet butonit “Aplikimet e mia”
– Pas aprovimit të kërkesës, punonjësi i specializuar i AQTN-së faturon shërbimin e kërkuar.
– Në këtë moment, ju mund të shikoni detajet e faturës të shërbimit për të cilin po aplikoni, duke kërkuar aplikimin tuaj nëpërmjet opsionit “Aplikimet e mia” dhe duke shtypur më pas butonin “Shfaq”
– Kryeni më pas pagesën e shërbimit duke shtypur butonin “Paguaj” dhe duke zgjedhur bankën që ofron këtë shërbim.
– Pas marrjes së konfirmimit dhe të pagesës përkatëse nga AQTN-ja, punonjësi i specializuar i AQTN-së përgatit dokumentin e kërkuar dhe ju mund ta shkarkoni atë duke klikuar butonin “Dokumentet” , tek ndërfaqja që ju hapet pasi kërkoni aplikimin tuaj nëpërmjet butonit “Aplikimet e mia”.

Koha e nevojshme për marrjen e shërbimit
Koha për marrjen e një dokumenti arkivor është 1 ditë pune

Periudha e vlefshmërisë
Pa afat

Kostot
2415 lekë të reja / për çdo fletë

Më shumë
Çdo ditë pune; orari i shërbimit 10:00-13:00

Kontakti
Tel: +355 4 22 47 447
Email: info.aqtn@aqtn.gov.al

  • Përveç këtij shërbimi ju mund të merrni online nëpërmjet portalit e-Albania, dokumentin teknik arkivor “Gen-plan (A3/A4)”
    Klikoni këtu për më shumë info.
  • Gjithashtu mund të merrni dokumentin teknik arkivor “Dosje pronësie”
    Klikoni këtu për më shumë info.

Lexoni: Një gamë e re e-shërbimesh nga Ministria e Zhvillimit Urban, tashmë në portalin e-Albania!

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0