A po fuqizohen bizneset shqiptare nëpër botë? » Business Magazine Albania – Media Dixhitale dedikuar Sipërmarrjes
Përditësuar së fundmi: 31/10/2016

A po fuqizohen bizneset shqiptare nëpër botë?

Share
nga Anerola Torollari
Tet 31, 2016
Studied at Faculty of Science, Content Editor Biznesi at Business Magazine
lexo me teper >

Naim Dedushaj, ideator i themelit të rrjetit të Bizneseve Shqiptare të Diasporës në një intervistë për gazetën “Zëri” tregon se bizneset shqiptare, të cilat operojnë në katër kontinente të botës janë duke u fuqizuar nga dita në ditë. Sipas tij, rrjeti i bizneseve përveç Kosovës.

Zëri: Ka disa muaj që është hapur në Prishtinë Zyra e Rrjetit të Bizneseve Shqiptare të Diasporës. Çfarë funksioni është duke kryer kjo ?

Dedushaj: Po, Zyra në Prishtinë është hapur që tre muaj. Kjo është zyrë koordinuese për investimet e të gjitha viseve shqiptare dhe është derë për investitorët e Diasporës ku ata mund të orientohen dhe të përkrahen për investimet e tyre. Pra, është zyra e parë që hapet nga vetë të pasurit e diasporës për Diasporën. Shpejtimi i hapjes së zyrës është bërë për shkak të një organizimi të fuqishëm që ne kemi pasur në Nju Jork. Por, hapja zyrtare e Zyrës së Rrjetit të Bizneseve do të bëhet në një të ardhme të afërt, ku do të vijnë kryetarët e rrjetit të bizneseve nga mbarë bota, ku ne i kemi edhe zyrat tona.

Ideja e themelimit të kësaj organizate, rrjeti i bizneseve shqiptare më ka frymëzuar gjatë përvojës në punën time duke punuar në shtetet e Bashkuara të Amerikës për një dekadë, ku kemi lobuar për Kosovën dhe për çështjen shqiptare në përgjithësi. Aty kam parë sa mirë ishin të organizuar Hebrenjtë, por edhe komunitetet e tjera si Italianët, Polakët, Armenët, Irlandezët dhe dëshira ime ka qenë që edhe diasporën Shqiptare t’a organizojmë ashtu siç kanë bërë edhe komunitetet e tjera.

Pas themelimit të ministrisë së Diasporës në Kosovë, gjatë kohës së përgatitjes së strategjisë së diasporës 2013-2018 prezantova ketë projekt, këtë ide të Rrjetit të Bizneseve të Diasporës, e cila është përkrahur fuqishëm nga Ministria e Diasporës në atë kohë dhe deri në themelimin e të gjitha rrjeteve, në vazhdimësi edhe me ministrin e ri.

 

burimi: shqiptari.eu