Plazh dhe punë, Barbados vjen me një oferte të veçantë

Të gjithë ata që janë të detyruar të punojnë nga shtëpia si pasojë e pandemisë së koronavirusit, tashmë mund të zgjedhin në vend të banesës së tyre ishullin e Barbados. Është ky propozimi i kryeministres së vendit e cila fton të huajt që të punojnë nga ishulli dhe të shijojnë bukuritë e tij njëkohësisht, në përpjekje për të rimëkëmbur ekonominë. Aplikantët duhet të paraqesin dokumente, të tilla si një kopje të pasaportës së tyre dhe certifikatën e lindjes, në mënyrë elektronike. Mbajtësit e vizave nuk do të duhet të paguajnë taksën e të ardhurave në Barbados. Është e rëndësishme të theksohet se udhëtimi jo-thelbësor nuk pranohet në shumë vende në mes të pandemisë së koronavirusit.

Në kohën kur pjesa më e madhe e botës punojnë nga shtëpia dhe nuk kanë mundësi të shkojnë me pushime për shkak të pandemisë së koronavirusit, stimulimi i ri i Barbados lejon që njerëzit të zhvendosen në një destinacion popullor, siç thotë kryeministrja e vendit Mia Amor Mottley në faqen zyrtare. Kryeministrja më tej u shpreh se nuk do të jemi të detyruar të punojmë në Europë, Shtetet të Bashkuara të Amerikës apo Amerikën Latine. Ajo sqaron se të huajt mund të qëndrojnë në ishull dy muaj dhe më pas të rikthehen në atdhe, sipas dëshirës.

Sipas njoftimit për shtyp nga Marketingu i Turizmit në Barbados, ata nga vendet me rrezik të lartë (më shumë se 10,000 raste të reja të koronavirusit brenda shtatë ditëve të fundit), janë këshilluar të testohen brenda 72 orëve nga momenti i fluturimit të tyre. Për sa i përket pandemisë së koronavirusit, Barbados nuk është prekur ndjeshëm dhe masat për mbylljen e vendit u lehtësuan para dhjetë ditësh. Zyrtarisht janë regjistruar 98 raste dhe 7 viktima në një popullsi prej 287 mijë banorësh.

UNILAD

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale