Plani i abonimit të Metës në Facebook dhe Instagram ka bërë që shumë njerëz të qëndrojnë në habi. Pas një lëvizje të ngjashme vitin e kaluar nga Twitter, CEO i Meta Mark Zuckerberg njoftoi në fundjavë një opsion për të paguar deri në 14,99 dollarë (14,09 €) në muaj për një shenjë blu “të verifikuar” që ofron mbrojtje kundër imitimit. Por jo shumë më tepër.
Analistët e teknologjisë thonë se masa është nxitur nga nevoja urgjente për rrjedha të reja të ardhurash pasi Meta pësoi një rënie prej 40% të fitimeve vitin e kaluar dhe u detyrua të pushonte nga puna mijëra veta në staf. Disa janë skeptikë në lidhje me kërkesën për shërbimin premium, duke akuzuar gjigantin e mediave sociale se nuk ka ide të reja.
Skema e verifikimit të Twitter dështon
Tëitter-i i Elon Musk nxitoi planin e tij të verifikimit në nëntor dhe deri më tani ka tërhequr më pak se 300,000 abonentë, sipas faqes së internetit The Information. Një raport sugjeron se shkalla e largimit – numri i njerëzve që çregjistrohen – nga skema e distinktivit blu të Tëitter arriti në 26,000 gjatë një jave të këtij muaji.
Të ardhurat e parashikuara prej 27.8 milionë dollarësh të Tëitter këtë vit nga verifikimi do të jenë shumë larg nga miliardat e nevojshme për të mbajtur platformën me borxhe të thella nga falimentimi. Ndërsa Facebook shënoi një fitim prej 23.1 miliardë dollarë vitin e kaluar, një rënie e rëndë e reklamave ka goditur gjigantin e mediave sociale dhe pritet të zgjasë deri në vitin 2024. Numri i përdoruesve që angazhohen me Facebook dhe Instagram gjithashtu duket se ka arritur pikën e ngopjes.
Lexo edhe: Llogarinë në Facebook dhe Instagram mund ta verifikoni me pagesë
“Kjo është ajo që unë e përshkruaj si një lëvizje të rrezikshme”, që “qartësisht mund të rezultojë e kundërta,” tha për DW Dan Ives, një analist i Wall Street nga Wedbush Securities. “Shumë [përdorues të Facebook] tashmë mund të kenë një këmbë jashtë derës, a do t’i shtyjë kjo?”
Më pak se norma e marrjes 1 në 10?
Ives vlerësoi se vetëm 3% deri në 7% e 3 miliardë fansave të Metës do të pranojnë ofertën e abonimit, duke pasur akses falas në rrjetet e tyre të preferuara sociale për më shumë se një dekadë.
Meta Verified do të ofrojë pak vlerë shtesë për përdoruesit në nisje, përveç verifikimit. Facebook tashmë ka kontrolle më të forta kundër imitimit sesa rivali i tij Twitter, i cili shpesh kritikohet për lejimin e kaq shumë llogarive anonime dhe të rreme.
“Një abonim është tërheqës vetëm për ata që janë influencues ose kompani. Nuk mendoj se shumë përdorues të zakonshëm do të abonohen pasi nuk ka asnjë avantazh të madh për ta,” tha për DW Martin Emmer, një profesor në studimet e komunikimit në Freie Universität Berlin.
Meta këmbëngul se abonentët do të përfitojnë gjithashtu nga aksesi i drejtpërdrejtë në ekipet e shërbimit ndaj klientit – diçka pothuajse e pamundur për shumicën e përdoruesve aktualisht. Llogaritë e tyre gjithashtu do të kenë shikueshmëri më të madhe në motorët e kërkimit dhe mbrojtje shtesë kundër vjedhjes së të dhënave.
Duhen opsione më tërheqëse
Ndërsa këto janë shtesa të dobishme, Meta do të ketë nevojë për një “grumbull funksionesh më kreative” për ta bërë planin e abonimit më tërheqës, sipas Dreë Benvie, CEO dhe themelues i konsulencës së mediave sociale me bazë në Londër, Battenhall.
“Për të arritur adoptimin masiv, do të na duhet të shohim opsione më të mëdha argëtimi dhe funksionalitet thelbësor, pasi distinktivi blu mendoj që nuk ka vizionin e duhur” tha ai për DW.
Benvie mendon se tarifimi për verifikimin mund të dobësojë gjithashtu prestigjin e tij pasi çdokush mund të blejë një abonim, në vend që distinktivi blu të rezervohet për përdoruesit e akredituar dhe më të besueshëm, si liderët botërorë, shkencëtarët, udhëheqësit e biznesit dhe gazetarët.
“Deri tani, distinktivi blu ka qenë një simbol i famës. Ata që kanë një të tillë janë të shquar dhe më shpesh të famshëm deri në një farë mase. Nëse Meta e ndryshon përkufizimin e distinktivit blu në thjesht të verifikuar, atëherë çfarë do të ndodhë më pas?”/ DW
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
