Përgatituni për barrën e rëndë të taksave nga 1 prilli

Përgatituni për barrën e rëndë të taksave nga 1 prilli


 E djela e kësaj jave duket larg për ata që presin me padurim pushimin. Por, nuk është e tillë për të gjithë ne. Pikërisht në ditën kur duhet të ndihemi të relaksuar, në xhepat tanë do të rëndojnë disa taksa më shumë.

Paketa fiskale e këtij viti, parashikoi që disa rritje taksash e tarifash të nisin të aplikohen me 1 prill, ndërsa të tjera ndryshime hynë në fuqi me 1 janar.

Përtej kundërshtimeve të sipërmarrësve, shoqatave të biznesit dhe reagimeve në mediat sociale nga qytetarët, 1 prilli sjell një “valë” taksash të rritura.

Sipas paketës fiskale të vitit 2018, taksa e pronës do të fillojë të llogaritet në bazë të vlerës së pronës dhe jo sipërfaqes së saj. Ajo pritet të gjendet në faturën e energjisë elektrike. Qeveria mund të vendosë që për disa bashki si ajo e Tiranës, taksa e pronës për bizneset të mblidhet përmes faturës së ujit, siç ka ndodhur deri me tani.

Sipas formulës së re, për familjarët do të jetë 0.05 % e vlerës së banesës, ndërsa për bizneset, 0.15% të vlerës. Për t’u sjellë një shembull, një shtëpi me vlerë 10 milionë lekë pritet të ketë një taksë mujore prej 500 lekësh.

Lexoni: https://businessmag.al/shume-taksa-bashkia-e-tiranes-miraton-buxhetin-2018/

Ngarkesa e dytë fiskale me bazë të gjerë, fillimisht tek rreth 20000 biznese, por edhe tek të gjithë konsumatorët, pritet të jetë kalimi i biznesit të voglë me TVSH. Sipas paketës fiskale të këtij viti, të gjitha bizneset me xhiro vjetore mbi 2 mln lekë do të lëshojnë faturën e TVSH-së. Parimisht produktet e shërbimet mund të jeni deri në 20% më të shtrenjta, ndërkohë bizneset duhet të paguajnë më shumë ekonomistët që u mbajnë bilancet.

Lexoni: https://businessmag.al/konfindustria-te-shtyhet-afati-i-tvsh-per-biznesin-e-vogel-rrezikohet-rritja-e-papunesise/

Pak ditë me parë, një prej ekspertëvë kontabël në vend Ilir Binaj, ka theksuar për BusinessMag se biznesi është tërësisht i pa përgatitur, duke paralajmëruar vështirësi në aplikimin e saj.

Lexoni: https://businessmag.al/nga-1-prilli-me-tvsh-ilir-binaj-sipermarrjet-te-papergatitura/

Turistë e udhëtarë do të përballen njëkohësisht me tarifën që do të aplikohet për kalimin e rrugës së kombit. E diskutuar prej vitesh, dhe prej rreth një viti e gjysëm me përcaktimin e kompanive fituese, kalimi i rrugës së kombit paralajmërohej të ishte 5 euro për një autoveturë 4+1.

Kompania fituese e koncesionit ka instaluar këto ditë sistemin e pagesave dhe është në fazë testimi, për të filluar pagesën në muajin prill.

Koncesionari ka një kontratë 30 vjeçare, e parashikuar mes qeverisë shqiptare dhe grupeve të biznesit  “Catalyst Viva Das General Contracting, LLC-Salillari shpk – Bee Tech-Violiap Ateve – Kastrati sh.a.,

Tarifa për motorrët pritet të jetë 2.5 euro, ndërsa arrin deri në 22.5 euro për kamionët e rëndë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0