Përfundon ankandi i OSHEE. Siguron vetëm gjysmën e energjisë së kërkuar me çmimin e ri rekord - Business Magazine Albania

Përfundon ankandi i OSHEE. Siguron vetëm gjysmën e energjisë së kërkuar me çmimin e ri rekord

OSHEE

Furnizuesi i Tregut të Lirë, pjesë e shoqërise OSHEE Group, zhvilloi sot ankandin e radhës për blerjen e sasisë 44.400 MËh, e nevojshme për periudhën 13-17 Tetor.

Rezultatet përfundimtare të të dy ankandeve zhvilluar në datën 11 tetor janë:

-nga sasia e kërkuar prej 44,400 MWh, u sigurua sasia 24,920 MWh me çmim mesatar 258.47 Euro/ MWh (totali i shpenzimeve në rreth 6.4 milionë Euro.)

Procedura është zhvilluar në transparencë në platformën online në tre faza, ku në fazën e parë u listuan 10 kompani dhe çmimi i ofruar arrinte deri në 300 euro/MWh, teksa në fazën e fundit do të bëhet edhe listimi automatik në bazë të çmimit më të ulët për blerjen e kësaj sasie energjie.

Ankandi ishte parashikuar të zhvillohej ditën e premte, por si rrjedhojë e situatës hidrike dhe reshjeve OSHEE e çeli procedurën këtë të hënë, ndërsa datat 11 dhe 12 tetor do të mbulohen me energji nga KESH.

Lexo edhe:OSHEE blen sërish energji në bursa. Qeveria ‘garanci’ 100 mln euro për furnizim pa ndërprerje

Deri në muajin qershor furnizimi me energji është mbuluar nga prodhimi vendas, e më pas është dashur që autoritetet t’i drejtohen importit të energjisë ku nga 1 qershori e deri në ankandin e ditës së sotme janë harxhuar rreth 106 mln euro për blerjen e energjisë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0