Tirana Public Transport është aplikacioni më i ri që u vjen në ndihmë të gjithë banorëve të kryeqytetit që përdorin transportin publik.
Aplikacioni mund të shkarkohet pa pagesë, dhe është i disponueshëm vetëm në iOS. Ne e shkarkuam aplikacionin dhe pamë se ai ka një ndërtim shumë të thjesht.
Në faqen e tij të parë ndodhet harta e madhe (Map) me vendodhjen tuaj dhe të gjitha linjat e autobusëve. Bus Line, është një kategori tjetër që tregon linjat e autobusëve (rreth 99% të tyre) prej të cilave mund të zgjidhni ato që përdorni më shpesh. Preferencat, është një tjetër hapësirë e aplikacionit ku ju zgjidhni rrezen e shtrirjes së urbanëve, kohën gjatë të cilës mund të monitoroni lëvizjen e tyre dhe llojin e hartës në dy variante: e thjeshtë dhe satelitore.
Tirana Public Transport ju ndihmon të gjeni rrugën ideale duke përdorur linjat e transportit publik. Aplikacioni sugjeron deri në 5 mënyra alternative për të arritur në destinacionin tuaj. Ju mund të shikoni vendodhjen e urbanëve në kohë reale me anë të sistemit të monitorimit GPS.
Aplikacioni përditësohet në mënyrë të vazhdueshme nga krijuesi i tij dhe programuesi Akil Rajdho. Akili është gjithashtu krijues i disa aplikacioneve të tjera shqip. Njëri prej tyre është Fresh Garden Albania, një aplikacion që ju ndihmon të porosisni produkte dhe ushqime të ndryshme nga komforti i shtëpisë suaj. Dhe Shëndeti, një aplikacion informues lidhur me barnat e rimbursueshme, qendrat spitalore më të afërta si dhe dozat përkatëse për barna të ndryshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
