Për të tretin vit radhazi, Huawei në Shqipëri sjell programin “Seeds for Future” - Business Magazine Albania

Për të tretin vit radhazi, Huawei në Shqipëri sjell programin “Seeds for Future”

Programi që mbështet talentet e reja në fushën e TIK, vjen për herë të tretë në vend

Huawei, në bashkëpunim me Fakultetin e Teknologjisë së Informacionit, përfundoi rrugëtimin e tretë të programit ndërkombëtar "Seeds for Future" në Shqipëri. Nëpërmjet një aktiviteti të organizuar në ambjentet e Universitetit Politeknik të Tiranës, drejtuesit e kompanisë, profesorët si dhe studentët mbyllën programin tejet novator që sjell përvojën e gjigantit botëror të teknologjisë, edhe te studentët shqiptarë.

Duke qenë se arsimi është thelbësor për një shoqëri, programi “Seeds for Future”; synon të krijojë mundësi që mbështesin të rinjtë në zhvillimin e tyre profesional në fushën e teknologjisë së informacionit. Ky program kultivon talentet e reja me aftësitë e domosdoshme teknologjike duke i bërë më konkurues në tregun e punës.

Kreu i Departamentit të Teknologjisë dhe Informacionit Aleksander Biberaj, pranë Fakultetit të Teknologjisë së Informacionit, u shpreh: “Jemi shumë të kënaqur që vazhdojnë bashkëpunimin me Huawein. Kemi realizuar shumë takime gjatë këtyre viteve dhe studentët tanë ndihen shumë të kënaqur dhe të lumtur për eksperiencën dhe njohuritë që kanë përfituar gjatë këtij programi intensive dhe profesionistë të fushës nga gjigandi botëror i teknologjisë.

Drejtuesi Ekzekutiv i Huawei në Shqipëri Z. Seven Wupeng gjithashtu theksoi vlerat e këtij programi elitar mbi teknologjitë më të fundit: “Programi elitar ‘Seeds for the Future’ përzgjedh studentë të talentuar në fushën e TIK-ut për të përfituar njohuri të drejtpërdrejta mbi punën e një kompanie gjigande shumëkombëshe të teknologjisë, duke marrë përvojë pune ndërkulturore si dhe trajnime gjuhësore. Që nga viti 2008, program ‘Seeds for the Future’ ka pasur pjesëmarrës nga 126 vende dhe rajone nga e gjithë bota.”

E pranishme në aktivitet ishte dhe Znj. Ermelinda Durmishi, Drejtore në Drejtorinë e Politikave të Arsimit të Lartë dhe Kërkimit Shkencor, e cila në fjalën e saj theksoi:

“Si përfaqësuese e Drejtorisë së Politikave të Arsimit të Lartë dhe Kërkimit Shkencor ndjej kënaqësi që programe të tilla ndihmojnë studentët në trajnimin e tyre mbi fusha të ndryshme të teknologjisë, i cili është në të njëjtën linjë me synimin e institucionit tonë për trajnimin e studentëve në teknologjinë e informacionit. Falenderojmë Huawein për këtë nismë për të tretin vit radhazi.”

Programi zgjati 8 ditë, gjatë të cilave studentët e përzgjedhur ndoqën kurset online nga profesionistët e fushës. Në fund të programit atyre u akordua një certifikatë që vlerëson njohuritë e përftuara.

"Seeds for Future" u prezantua për herë të parë në vitin 2008 me qëllim për të zhvilluar talentet e TIK në të gjithë botën duke ndërtuar ura komunikimi mes vendeve e kulturave të ndryshme. Aktualisht programi shtrihet në 130 vende e rajone dhe rreth 9000 studentë kanë përfituar prej njohurive të tij. Që prej vitit 2021, programi u shtri edhe në Shqipëri, duke ndarë ekspertizën dhe përvojat e mjedisit global të biznesit. Huawei në Shqipëri do vazhdojë të sjellë pranë studentëve në vendin tonë, praktikat më të fundit të teknologjisë elitare në botë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0