Në intervistat me një grup të larmishëm prej 160 personash nga një industri dhe pozicione të ndryshme, u dol në konkluzionin se lulëzimi në karrierën tuaj varet shumë nga marrëdhëniet tuaja, si brenda dhe jashtë punës. Njerëzit, puna e të cilëve është e përditshme ose e kërkuar, kanë po aq shumë gjasa që të ndjehen të kënaqur dhe të përmbushur si ata me punë argëtuese ose frymëzuese, nëse ata arrijnë të përmbushin qëllimin e duhur.
Lexo: 7 hapa për të zgjidhur dhe parandaluar konfliktet në vendin e punës
Studimet tregojnë se lidhjet shoqërore luajnë një rol kryesor në nxitjen e një ndjenje, qëllimi dhe mirëqenieje në vendin e punës. Menaxhimi efektiv i kapitalit shoqëror brenda organizatave, lehtëson mësimin dhe shkëmbimin e njohurive, rrit mbajtjen dhe angazhimin e punonjësve, zvogëlon djegien, nxit inovacionin dhe përmirëson performancën e punonjësve dhe organizatave.
Rishikoni kalendarin tuaj profesional dhe personal për muajt në vijim dhe konsideroni se cilat ndërveprime ju afrojnë me objektivat tuaja dhe cilat ju largojnë më tej. A po bashkëpunoni me njerëz që ndajnë vlerat tuaja ose që mund t’ju mësojnë mënyra të reja për të parë gjërat? A lulëzoni kur bashkëveproni me njerëz që janë optimistë, analitikë, të qetë apo ambiciozë? Ky ushtrim nuk ka të bëjë me kolegët që ju pëlqejnë në një nivel personal ose dëshironi të shoqëroheni me të. Është për të kuptuar se cilat marrëdhënie dhe bashkëveprime po përmbushin, motivojnë dhe përputhen me qëllimin tuaj.
Lexo: 8 punët që robotët nuk do të mund t’i bëjnë kurrë
Pasi të keni qartësi në objektivat tuaja dhe marrëdhëniet që do t’ju ndihmojnë t’i arrini ato, filloni planifikoni se si do të kaloni kohën tuaj. Është thelbësore të investoni në marrëdhënie domethënëse jashtë punës. Hulumtimet kanë treguar në mënyrë të përsëritur, se njerëzit që lulëzojnë janë të ankoruar në të paktën një ose dy komunitete që nuk lidhen me punën. Zgjidhni një aktivitet në të cilin dëshironi të investoni kohë dhe bëni atë me një grup. Më mirë akoma, vendosni synime me anëtarët e tjerë të grupit në mënyrë që të angazhoheni dhe të vazhdoni. Marrëdhëniet jashtë punës zgjerojnë këndvështrimin tonë dhe përfshijnë aspektet e identitetit tonë, që nuk rriten dhe bien me atë se sa mirë gjërat po shkojnë në zyrë.
Lexo: Ja cilat janë 10 arsyet që ju detyrojnë të lini punën
Shumica e punëtorëve kalojnë 85% të ditës së tyre në takime ose komunikim përmes postës elektronike ose telefonit. Nëse mund të mbrojmë vetëm pak më shumë kohë nga kjo mbingarkesë bashkëpunuese, duke i mbajtur të qarta qëllimet në takime, ne mund ta investojmë atë në marrëdhëniet që na ndihmojnë. Të jesh më i qëllimshëm në menaxhimin e kohës dhe ndërveprimeve mund të duket e frikshme. Shumë prej nesh përpiqen për një punë domethënëse, një titull mbresëlënës ose një pagë të konsiderueshme në kompaninë ideale. Duke vepruar kështu, ne nënvlerësojmë në mënyrë drastike rëndësinë e marrëdhënieve, edhe pse hulumtimet e gjera tregojnë se njerëzit dhe jo puna e përsosur çojnë në atë që ne e quajmë vetëpërmushje. Ne mund të gjejmë kënaqësinë që po kërkojmë pikërisht atje ku jemi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
