Mbase nuk e ke menduar ndonjëherë, por nëse ul kokën poshtë me siguri vëren këpucët! Një palë këpucë janë të rëndësishme sepse ato i japin një njeriu dinjitet. E megjithatë shumë fëmijë në Shqipëri nuk kanë mundësinë të gëzojnë një palë këpucë të reja e të ngrohta!
Dimri tashmë ka ardhur dhe ne duam të sigurojmë për këta fëmijë këpucë të ngrohta që do t’ua bëjnë ditët në shkollë me të bukura.
Kjo fushatë ka nisur që prej datës 1 Dhjetor, si një iniciativë nga Media 7.
Këtë fundjavë ke mundësinë të bashkohesh dhe ti, duke dhuruar për fëmijët në nevojë nga ora 10AM deri në 18PM tek Piramida.
Si mund të përfshiheni?
– Përhapni lajmin tek sa më shumë njerëz.
– Dhuroni një palë këpucë të reja
– Ofroni kohën tuaj si vullnetar për grumbullimin dhe shpërndarjen e këpucëve.
– Dhuroni financiarisht për të blerë një palë këpucë.
Falë jush një fëmijë nesër do të thotë: “Isha i zbathur dhe ju më mbathët!”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
