PepsiCo sponsor i UEFA Champions League

PepsiCo sponsor i UEFA Champions League


Kompania PepsiCo ka nënshkruar një marrëveshje për të qenë partner i UEFA Champions League me brandet e saj Walkers, Pepsi MAX dhe Gatorade të cilat do të zënë një vend të rëndësishëm në këtë sponsorizim.


Partneriteti, i cili ka filluar më 1 korrik 2015 dhe do të vazhdojë në 3 vitet e ardhshme, do të paraqesë edhe gjigandin e ushqimeve ‘snacks’ Doritos, markën Lipton dhe atë 7UP – megjithatë  pritet që PepsiCo të zbulojë detaje të mëtejshme të programit të sponsorizimit më vonë.

“Duke pasur më tepër se 1 miliardë fansa futbollit të cilët shikojnë ndeshjet e Champions çdo sezon, kjo marrëveshje partneriteti ofron oportunitete të shumta për të dy palët,” – shprehet Ramon Laguarta, Ceo i PepsiCo për Europën.

“Fansat e futbollit në përgjithësi dhe ata të UEFA Champions League në veçanti, mund të presin të shijojnë përvoja fantastike nga Lay’s, Gatorade dhe Pepsi MAX ndërsa fillon sezoni 2015 / 16” – shtoi ai.

Guy-Laurent Epstein, drejtor marketingu tek UEFA, tha: “Jemi të nderuar t’i urojmë mirëseardhjen PepsiCo si një partner zyrtar i UEFA Champions League.”

Aktualisht PepsiCo është partner në disa kampionate sportive ku përfshihen National Baseball Association, National Football League, National Hockey League, Major League Baseball, Indian Premier League and International Cricket Council.

Kjo lëvizje marketingu nga ana e PepsiCo, pritet të shtrijë efektin e saj në shumë tregje ku ndiqet futbolli elitar i UEFA Champions League. Normalisht strategji të tilla suportohen me aktivitete në nivele rajonale apo lokale nga firma të cilat kane përfaqësitë apo distribucionin e produkteve të kompanisë.

Meqenëse do jetë PepsiCo sponsor i UEFA Champions League në Europë, nuk dimë nëse do të mbështeten edhe në Shqipëri, nga aktivitete reklamuese dhe promocionale të kompanisë Agna. Për të marrë një përgjigje për këtë, do të kontaktojmë me zyrën e tyre marketing në Tiranë.

Burimi i informacionit ështe Marketing Magazine; përshtatur në shqip nga stafi i infoalbania.al; redaktuar nga stafi i BusinessMag.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0