Panairi "Green Week", bizneset kosovare të kënaqura me produktet e tyre

Panairi “Green Week”, bizneset kosovare të kënaqura me produktet e tyre


Agrobizneset kosovare, të cilat po marrin pjesë në Panairin Ndërkombëtar “International Green Week”, në Berlin, po e shohin si njërën ndër ngjarjet më të rëndësishme për promovimin e prodhimeve të tyre.
Përfaqësuesit e këtyre agrobizneseve, thonë se gjatë këtij panairi, kanë arritur që krahas promovimit të prodhimeve të tyre bujqësore, të krijojnë edhe kontakte dhe lidhje të reja me kompani të huaja.

Po ashtu, sipas tyre, zgjerimi dhe modernizimi i agrobizneseve kosovare gjatë viteve të fundit, ka ndikuar që prodhimet e tyre të jenë edhe konkurrente me shumë prodhime të huaja, gjë që sipas tyre tashmë është dëshmuar edhe në këtë panair.

Alban Ibrahimi nga Frutomania, thotë se në këtë panair përveç që është e rëndësishme për kompanitë pjesëmarrëse, është mundësi e mirë edhe për vetë shtetin që të prezantojë potencialet dhe prodhimet më të mira.

“Panairi ka rëndësi shumë të madhe sepse përpos prezantimit të produkteve të kompanive njëkohësisht edhe prezantimi shtetëror, domethënë prezantimi i përgjithshëm se çka ka Kosova, se çka prodhon Kosova, çka mund të ofrojë Kosova në tregun ndërkombëtar, jo vetëm në tregun gjerman. Edhe pse konsumatorët apo edhe pse njerëzit që vizitojnë stafet tona shumica e tyre janë gjermanë, prapë kjo është e pa rëndësishme pasi që ka vizitorë edhe të vendeve të tjera”, tha Ibrahimi.

Ndërsa Fatmir Krasniqi nga kompania Fungo thotë se pjesëmarrja në këtë panair është një nga iniciativat më të mira për promovimin dhe mbështetjen e sektorit privat.

“Është e një rëndësie të jashtëzakonshme kjo pjesëmarrje në panair “Green Week” apo java e gjelbër. Së pari kisha me falënderuar Ministrinë për këtë eveniment që për herë të parë edhe pse kam marrë pjesë në shumë panaire të karakterit botëror edhe në Paris edhe në Gjermani vitin e kaluar në Berlin po ashtu në …. Dhe në Nurberg mund ta them që për herë të parë është i organizuar një panair ashtu siç meriton shteti jonë i Kosovës. Përkrahje të jashtëzakonshme ka dhënë edhe prezenca e ministrit që tri ditë radhazi në këtë panair”, tha Krasniqi.

Në anën tjetër, ministri i Bujqësisë, Pylltarisë dhe Zhvillimit Rural, Memli Krasniqi, vlerësoi se agrobizneset pjesëmarrëse në panair, kanë dëshmuar edhe njëherë se prodhimet kosovare tashmë krahas cilësisë po i përmbushin edhe standardet ndërkombëtare.

E përmbushja e këtyre standardeve, sipas Krasniqit, përveç se ka ndikuar që prodhimet vendore të depërtojnë në tregun rajonal e evropian, ka bërë që ato të jenë të pranishme edhe në ngjarjet e tilla, të mëdha si kjo e Berlinit.

“Kemi vendosur që ta risjellim Kosovën në këtë panair me mbështetjen edhe të partnerëve tonë dhe ndërkombëtarë për të shfrytëzuar edhe një zhvillim jashtëzakonisht pozitiv, nënshkrimi i marrëveshjes Stabilizim Asocimi, e cila i mundëson mbi 2 mijë e 500 produkteve agro-ushqimore të Kosovës që të depërtojnë dhe të shiten në tregjet evropiane pa barrierat e së kaluarës. Andaj ka qenë shumë me rëndësi që në tregun gjerman që është më i madh brenda Bashkimit Evropian të kemi prezencën e produkteve të ndryshme të Kosovës, të cilat në të ardhmen mund të jenë pjesë e tryezave gjermane, e familjeve gjermane, qytetarëve gjermanë”, tha ministri Krasniqi.

/Telegrafi/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0