Lumi Osum është kthyer në një atraksion për qytetarët beratas, por jo vetëm. Në brigjet e tij, gjen plot turistë, të cilët zgjedhin që të shijojnë bukurinë që të ofron qyteti i një mbi një dritareve.
Midis maleve, rrjedha e lumit Osum, pret të rinj e të moshuar çdo ditë.
“Tek lumi Osum vijmë me shokët kënaqemi, lahemi, uji është i rrjedhshëm i pastër rëra është e mirë, nuk ka rreziqe lumi Osum. Turistët vijnë gjithmonë ka vizita shumë shpesh që vijnë , dje ishin gjithë ata turistë njerëz plot, fëmijë prindër edhe është shumë vend i bukur uji është i pastër”,
Osumi çdo vit, po merr rëndësinë që i takon. Frekuentuesit e përvitshëm, arrijnë të bëjnë diferencë e para shumë viteve.
” Po bën që 19 ose 20 vite që lahen njerëzit, më përpara vinin gratë e fshatit këtej lanin rroba gjëra, merrnin ujë për të vaditur dhe akoma marrin ujë më pompa për të vaditur tokat nga lumi”,-tha një qytetar.
Lexo edhe:“TimeOut”: Vizitojini patjetër këto bukuri të Shqipërisë!
“Na pëlqen këtu jemi vëndalinjë jemi rritur që të vegjël, fëmijërinë e kemi kaluar këtu, me shoqërinë, komshinjtë me shokët gjuanim peshk, kemi urën këtu një gjë e vjetër e bukur pavarësisht që do pak rregullime ura të vihet ujë këtu një çezmë të vij turisti të pijë, këtu vijnë kënaqën turistët” ,-tha një qytetar. Një zonë në zhvillim, e cila gjithashtu kërkon dhe një infrastrukturë më të mirë.
“Për mendimin tim të hapet një lokal të ketë e shumta 15 shezlonge, diku të hapet një kënd lojërash që të lozin fëmijët. Nga Berati vijnë shume sidomos në muajin korrik ka pas shumë nga Berati familjar, çuna të rinj”-shton një qytetar tjetër.
Nevoja për roje dhe kushte më të mira sigurie, do të shtonin edhe më shumë turizmin në këtë zonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
