Organizohet konkursi “Aplikacioni më i mirë” me temë “Paraja ime: Si të fitojmë, si të shpenzojmë?”

Me rastin e Javës së Parasë (12-18 mars 2018), Banka e Shqipërisë në bashkëpunim me Shoqata Shqiptare e Bankave – AAB organizon konkursin “Aplikacioni më i mirë” me temë “Paraja ime: Si të fitojmë, si të shpenzojmë?”

Studentë të degës informatikë ekonomike, financë-bankë dhe teknologji informacioni të vitit të tretë, ftohen të dorëzojnë brenda datës 7 mars, ora 09:00, draft aplikacionin e tyre, në formë elektronike (pdf), në gjuhën shqipe, të shoqëruar me dokumentet e mëposhtme:

1. Curriculum Vitae;
2. Abstraktim dhe një prezantim të shkurtër të funksionaliteteve të aplikacionit;
3. Modelin e aplikacionit.

Gjuhët e kodimit që lejohen në konkurs:

• iOS: Swift, Objective-C
• Android: Java
• Backend/Api: PHP Ruby, Node JS
• Cross platform: React Native, Xamarin

Konkursi do të zhvillohet në dy faza:

Faza e parë: Konceptimi dhe dizenjimi

Çmimet për fituesit e fazës së parë:

Vendi i parë – 30.000 lekë

Vendi i dytë – 10.000 lekë

Vendi i tretë – 10.000 lekë

Faza e dytë: Zhvillimi dhe testimi i produktit

Fituesi i fazës së parë të konkursit, ftohet të vijojë me fazën e dytë për zhvillimin dhe testimin e produktit. Aplikacioni fitues do të instalohet në Muzeun e Bankës së Shqipërisë dhe në faqen zyrtare të Bankës së Shqipërisë dhe Shoqatës Shqiptare të Bankave.

Çmimi për fazën e dytë: 70.000 lekë

Mos harroni të shënoni: Emrin dhe mbiemrin, Moshën, Universitetin, Fakultetin, Nr. tuaj të kontaktit.

Aplikimin dërgojeni në: public@bankofalbania.org

Fituesit do të shpallen në faqet zyrtare të Facebook të organizatorëve, në datën 9 mars.