Opsioni i ri i Google gjen këngën që keni në mendje

Opsioni i ri i Google gjen këngën që keni në mendje

Google

Të ka ngecur një këngë në kokë? Mos u shqetëso, Google do të të ndihmojë. Para pak ditësh, gjigandi i teknologjisë lançoi një version të azhurnuar të aplikacionit të tij që ju ndihmon të gjeni titullin e këngës për çdo melodi që ju shkon rreth e përqark në kokën tuaj.

E tëra çfarë ju duhet të bëni është të gumëzhitni, të fishkëlleni ose të këndoni në mikrofonin e smartphone-it tuaj disa fjalë që ju kujtohen nga teksti dhe kjo është e gjitha! Kanë kaluar ditët e përpjekjes së lodhshme për të gjetur se cilën këngë keni në kokën tuaj.

Google-it i mjaftojnë disa sekonda për ta gjetur atë këngë.

Nga acaruese në argëtuese

Ju keni harruar tekstin e një kënge, por e dini melodinë, dhe ajo ju përsëritet vazhdimisht në kokë. Është acaruese pasi nuk ke një mënyrë për të kuptuar se cili është titulli i këngës. Google u është përgjigjur shqetësimeve tuaja.

Lexoni: Homeoffice dëmton shumë sektorë

Thjesht duhet të këndosh “do da daa naa nooo” sipas melodisë së këngës së panjohur dhe versioni i fundit i Google do të kuptojë pjesën tjetër për ju. Ju as nuk keni nevojë të jeni në gjendje të këndoni siç duhet ose të jeni i përsosur, sepse Google do t’ju ofrojë opsionet më të mundshme për këngën bazuar në melodinë.

Programi i ri aktualisht punon në anglisht në iOS dhe në 20 gjuhë në Android. Google planifikon ta lançojë atë në më shumë gjuhë në iOS në të ardhmen e afërt.

Gjithçka duhet të bëni është të hapni mini-aplikacionin tuaj të Kërkimit Google ose të hapni aplikacionin tuaj Google, të klikoni në butonin e mikrofonit dhe të pyesni “çfarë është kjo këngë?” ose shtypni butonin “Kërko një këngë”.

Fishkëlleni ose këndoni melodinë për të paktën dhjetë sekonda. Sistemi i inteligjencës artificiale do të kërkojë në bazën e tij të të dhënave për t’ju prezantuar me një listë të këngëve të mundshme.

“Një mënyrë e thjeshtë për ta shpjeguar është se melodia e një kënge është si gjurma e gishtit: Secili ka identitetin e vet unik”, tha Krishna Kumar, një Menaxher i Lartë i Produkteve në Google Search.

Kur ju kërkoni një melodi në Google, modelet tona të të mësuarit makinerik e shndërrojnë audion në një sekuencë të bazuar në numra që përfaqëson melodinë e këngës. Modelet tona janë trajnuar për të identifikuar këngët, bazuar në një larmi burimesh, duke përfshirë njerëz që këndojnë, fishkëllima ose gumëzhitje, si dhe regjistrime në studio”.

Aparna Chennapragada, një nënkryetare e Google që zbuloi opsionin e ri, tha se njerëzit e pyesin Google “cila këngë është kjo” gati 100 milionë herë çdo muaj ose kërkojnë fraza teksti që t’ju shfaqet kënga.

Interesting Engeenering

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0