Alban Fejzaj, një sipërmarrës shqiptar ka themeluar Onemor, platformën e parë të vetëquajtur “Spotify i Fitnesit”, e cila po sjell një revolucion në mënyrën se si lidhen entuziastët e fitnesit, trajnerët personalë, palestrat dhe studiot anembanë botës.
Onemor prezantohet si një “ekosistem fitnesi”, ku pasionantët mund të eksplorojnë ushtrime dhe programe nga disiplina të ndryshme, ndërsa trajnerët kanë mundësi të krijojnë, ndajnë dhe monetizojnë programet e tyre të trajnimit.
Aplikacioni Onemor është krijuar për të bërë fitnesin të aksesueshëm për këdo, pavarësisht stilit të jetesës apo nivelit të eksperiencës. Nga ushtrime të shkurtra për profesionistët e zënë, deri te programe të avancuara për atletët, platforma ofron mundësi për çdo nivel.
Përdoruesit mund të stërviten në palestër, në shtëpi apo në natyrë, duke e bërë aktivitetin fizik më fleksibël dhe argëtues. Me një ndërfaqe intuitive dhe një “workout player” të thjeshtë, aplikacioni e bën të lehtë për këdo të zbulojë dhe ndjekë rutina të reja trajnimi.
Lexo edhe: Startup-i i dy studentëve të Harvard-it sfidon Metën me syzet e reja inteligjente
Onemor ofron një hapësirë të gatshme, Onemor for Trainers, ku trajnerët mund të krijojnë, shpërndajnë dhe shesin programet e tyre pa kosto shtesë për ndërtim faqesh apo aplikacionesh. Kjo u jep atyre mundësinë të gjenerojnë të ardhura pasive, të shfaqin ekspertizën e tyre dhe të arrijnë një audiencë globale. Edhe pronarët e palestrave dhe studio-ve mund të përdorin platformën për të ndërtuar biblioteka ushtrimesh për klientët e tyre.
“Onemor u krijua për t’u dhënë njerëzve mundësinë të eksperimentojnë me fitnesin dhe të gjejnë kënaqësi në të. Qëllimi ynë është ta bëjmë fitnesin divers, të aksesueshëm dhe argëtues për këdo,” – u shpreh Alban Fejzaj, CEO i Onemor. Platforma tashmë po bashkon trajnerë dhe palestra nga vende të ndryshme, duke krijuar një përvojë vërtet globale. Së shpejti pritet të shtohen edhe funksionalitete të reja të mbështetura nga inteligjenca artificiale, të cilat do të ofrojnë rekomandime të personalizuara bazuar në preferencat dhe progresin e përdoruesve.
Onemor po e ndryshon industrinë e fitnesit duke e bërë atë të arritshëm për të gjithë. Me krijimin e një komuniteti global ku takohen entuziastët, trajnerët dhe palestrat, platforma ofron mundësi të pafundme si për përdoruesit që duan të mbeten aktivë, ashtu edhe për profesionistët që duan të rrisin biznesin e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
