OKB: Platformat digjitale krijojnë sfida të reja të punës - Business Magazine Albania

OKB: Platformat digjitale krijojnë sfida të reja të punës

Kreu i Organizatës Ndërkombëtare të Punës (ILO), Guy Ryder, ka deklaruar se platformat digjitale të punës po krijojnë mundësi të reja të punës duke mundësuar punë fleksibile për disa, por ato gjithashtu po ndryshojnë mënyrën e organizimit që i bën punëtorët të luftojnë me pagën dhe sigurimet shoqërore. ILO, organ i Kombeve të Bashkuara (OKB), lëshoi raportin e tij kryesor të titulluar “Punësimi botëror dhe pikëpamja sociale 2021”, duke analizuar ndikimin e platformave digjitale të punës te kompanitë, punëtorët dhe te shoqëria në tërësi.

“Raporti thotë se platformat digjitale të punës po krijojnë mundësi të reja pune duke siguruar marrëveshje fleksibile të punës për disa punëtorë, veçanërisht për gratë, personat me aftësi të kufizuara dhe për të rinjtë”, theksoi Ryder.

Ai shtoi se ndryshimet globale po nxisin mundësi të reja biznesi, veçanërisht në vendet në zhvillim. “Por këto platforma po ashtu po ndryshojnë vetë organizimin e punës, ato gjithnjë e më shumë po ri-përcaktojnë mënyrën se si vendosen marrëdhëniet ekonomike përmes teknologjisë midis punëtorëve dhe klientëve ose konsumatorëve”, shtoi Ryder.

Sipas organit të OKB-së, mundësitë e reja të krijuara nga platforma digjitale të punës mjegullojnë më tej dallimin e qartë të mëparshëm midis të punësuarve dhe të vetë-punësuarve.

“Algoritmat po ashtu përcaktojnë dhe ndryshojnë mënyrën se si punësohen dhe shpërblehen punëtorët, si dhe si paguhen ose shpërblehen bizneset”, tha Ryder.

Sipas tij, ato mund të rezultojnë në praktika diskriminuese. “Praktika e kontraktimit po ashtu po krijon ndërprerje të mëdha. Në shumë raste, puna jepet nga burimet e biznesit në veriun global dhe pastaj kryhet nga punëtorët në jugun global”, tha ai.

Sipas raportit të ILO-s, pandemia COVID-19 ka përshpejtuar ndryshimet që tashmë ishin në proces, si në shoqëri ashtu edhe në punë.

“Punëtorët në platformat digjitale të punës shpesh përpiqen të gjejnë punë të mjaftueshme të paguar për të fituar të ardhura të mira, duke krijuar një rrezik të varfërisë në punë”, thotë raporti.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0