Organizata Botërore e Shëndetësisë ka dhënë një paralajmërim serioz lidhur me rreziqet që sjell konsumimi i alkoolit, i cili është një nga shkaktarët kryesorë të kancerit në mbarë botën.
Sipas një raporti të përbashkët të OBSH-së dhe Agjencia Ndërkombëtare për Kërkimin e Kancerit, në vitin 2020 janë regjistruar rreth 741,300 raste të reja kanceri që lidhen drejtpërdrejt me përdorimin e alkoolit – rreth 4.1% e totalit global të rasteve të reja. Shifrat tregojnë se 6.1% e rasteve ishin tek burrat dhe 2% tek gratë. Evropa është rajoni më i prekur, pasi ka nivelin më të lartë të konsumit të alkoolit për banorë. Vetëm në Bashkimi Evropian, alkooli shkaktoi mbi 111,000 raste të reja kanceri në vitin 2020, përfshirë kancerin kolorektal, të gjirit dhe të gojës, ku rreth 70% e rasteve u regjistruan tek burrat.
Kostoja ekonomike e vdekjeve të parakohshme nga këto sëmundje në BE arriti në 4.58 miliardë euro në vitin 2018, ndërsa shpenzimet shëndetësore dhe sociale kapin shifra edhe më të larta.
Shkencëtarët theksojnë se alkooli është shkaktar i të paktën shtatë llojeve të kancerit dhe nuk ekziston një nivel i sigurt konsumimi. Ekspertët rekomandojnë masa të forta parandaluese si:
- Rritja e taksave mbi alkoolin,
- Kufizimi i aksesit në treg,
- Ndalimi i marketingut të produkteve alkoolike.
Zbatimi i këtyre politikave, sipas raportit, mund të japë rezultate brenda pesë vjetësh, duke shpëtuar jetë dhe duke kursyer miliarda euro. Vetëm dyfishimi i taksave mbi alkoolin mund të parandalojë deri në 6% të rasteve të reja dhe vdekjeve nga kanceri në Evropë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
