Autoritetet shëndetësore norvegjeze kanë ndaluar përdorimin e aplikacionit kombëtar për ndjekjen e kontakteve të COVID-19, pas shqetësimeve për mbrojtjen e të dhënave, nga organizmi kombëtar për mbrojtjen e të dhënave, Datatilsyn, që gjykon e si tepër invazive ndaj privatësisë këtë gjurmim.
Aplikacioni ”Smittestopp”, i prezantuar në prill, synonte të mblidhte të dhëna të informacionit personal për ata që përdorin aplikacionin, duke përfshirë të dhëna të vazhdueshme për vendndodhjen dhe informacione në lidhje me kontaktin e përdoruesve me të tjerët”, tha Autoriteti Norvegjez për Mbrojtjen e të Dhënave në një deklaratë të hënën.
“Ne nuk jemi dakord me vlerësimin e Datatilsyn, por jemi të detyruar të fshijmë të gjitha të dhënat dhe të ndalojmë punën tonë pas paralajmërimit”, shpjegoi në një komunikim drejtoresha e Institutit Shëndetësor Norvegjez, Camilla Stoltenberg.
Aplikacioni u krijua për të përdorur si GPS ashtu edhe Bluetooth për të gjurmuar lëvizjet e njerëzve për të përcaktuar efektet e distancimit social dhe me kë përdoruesit futen në kontakt. Informacioni i mbledhur më pas ruhet për 30 ditë.
Instituti i shëndetit publik të Norvegjisë tha se vendimi për të ndaluar përkohësisht aplikacionin do të “dobësojë një pjesë të rëndësishme të gatishmërisë sonë” dhe do të zvogëlojë aftësinë e agjencisë për “të luftuar përhapjen e vazhdueshme të infeksionit”. Aplikacioni ishte testuar në tre komuna dhe deri më 3 qershor, ishte shkarkuar 1.6 milion herë me afro 600,000 përdorues aktivë.
Ashtu si aplikacionet për përcjelljen e koronavirusit në shumë vende të tjera, aplikacioni paralajmëron njerëzit që kanë qenë në kontakt me një rast të konfirmuar të COVID-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
