Banka e Shqipërisë ka mbajtur të pandryshuar normën bazë të interesit. Guvernatori i Bankës, Gent Sekjo ka bërë të ditur vendimin e Bordit të Këshillit Mbikëqyrës në nivelin 2.75%.
Ulja e ritmit të rritjes së inflacionit muajin e fundit ka mundësuar këtë vendim, pas rritjeve të vazhdueshme në muajt e kaluar të cmimeve dhe rrjedhimisht edhe normës së interesit.
Guvernatori tha se, “Inflacioni pritet të shënojë një pikë kthese gjatë tremujorit të katërt të vitit 2022, të reduktohet progresivisht gjatë vitit 2023 dhe të kthehet në objektiv në tremujorin e dytë të vitit 2024. Ky parashikim bazohet në reduktimin e pritur të inflacionit në ambientin botëror, në reduktimin progresiv të efekteve të raundit të dytë në vend, si dhe në ruajtjen e normave pozitive të rritjes ekonomike gjatë periudhës në vijim”.
Ai theksoi se, rritja ekonomike pritet të mbetet e moderuar edhe në gjysmën e parë të vitit të ardhshëm dhe të konvergojë gradualisht drejt normave të saj historike në periudhën në vijim, duke ofruar një raport më të balancuar midis kërkesës dhe ofertës në vend. Përditësimi i projeksioneve për të ardhmen ka konfirmuar pritjet tona të mëparshme. Megjithatë, ky përditësim ka sugjeruar nevojën e një normalizimi më gradual të qëndrimit të politikës monetare.
Në një takim me gazetarët pak ditë më parë, guvernatori theksoi se rritja ekonomike vitin e ardhshëm pritet të luhatet mes 3.5-4%. Ai tha guvernatori Sejko tha se ekonomia shqiptare pritet të rritet në të ardhmen, ndonëse ritmi i rritjes pritet të vijë në ngadalësim në afatin e shkurtër dhe të rritet drejt potencialit në afatin e mesëm.
Lexo: A kanë ende rëndësi letrat e falenderimit? Ekspertët thonë tani më shumë se kurrë
Këshilli Mbikëqyrës i Bankës së Shqipërisë vendosi:
të mbajë të pandryshuar normën bazë të interesit, në nivelin 2.75%;
të mbajë të pandryshuar normën e interesit të kredisë njëditore, në nivelin 3.75%;
të mbajë të pandryshuar normën e interesit të depozitës njëditore, në nivelin 1.75%”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English