Mesa duket Nokia po bën një telefon me 5 kamera të pasme.
Nokia 9 PureView, siç quhet, është prezantuar këtë të hënë në një video promocionale.
Sipas videos, kamerat e këtij telefoni kanë aftësinë për të shkrepur 5 foto të njëpasnjëshme me 10 herë më shumë dritë. Përdoruesit do të jenë në gjendje të ndryshojnë fokusin e fotove, një opsion ky i disponueshëm në telefonat e sotëm.
Lexoni: Një retrospektivë mbi rrugën e Nokia, legjendën e komunikimit mobile
Nokia 9 PureView ka një ekran 5.99 inç me një skaner të shenjës së gishtit poshtë ekranit, një proçesor Qualcomm Snapdragon 845, 6GB RAM dhe 128GB hapësirë ruajtëse.
Karikimi bëhet i mundur me fishë por dhe me wireless, ndërsa kapaciteti i baterisë është fantastik. Një telefon i mahnitshëm që na ka lënë pa fjalë.
Nëse po pyesni veten përse një telefoni i nevojiten pesë kamera të pasme, ne akoma nuk kemi një përgjigje për këtë. Trendi i rritjes së numrit të kamerave duket se do të vazhdojë për një kohë të gjatë, smartphonet e vitit 2018 kanë patur të paktën 3 kamera.
Idea, në shumicën e rasteve, është që të ketë një numër lentesh të ndryshme për detyra të ndryshme, me ekran të gjerë, makro, zmadhim, etj. Pesë kamera të pasme tingëllon çuditshëm, por performanca e tyre do të varet nga sa mirë e përpunon softueri të gjithë këtë informacion.
Po ju lëmë t’i hidhni një sy nga afër telefonit përmes videos më poshtë:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
