Në një botë gjithnjë e më të ndërlidhur, ku kufijtë e biznesit po zhbëhen falë teknologjisë, sipërmarrësit shqiptarë në diasporë po gjejnë gjithnjë e më shumë mënyra për të bashkëpunuar dhe për të zgjeruar rrjetet e tyre, qoftë me biznese që ndodhen në Shqipëri ose edhe ndërmjet tyre. Pikërisht me këtë frymë, në datën 12 Prill, nga ora 19:00 deri në 22:00 me orën e Shqipërisë (ose 2:00pm – 5:00pm me orën e New York-ut), do të organizohet një event i veçantë networking virtual për anëtarët e grupit në Facebook “Sipërmarrësit Shqiptarë në Mbarë Botën”.
Një mundësi e artë për sipërmarrësit
Ky event është një mundësi unike për të gjithë ata që dëshirojnë të krijojnë lidhje të reja, të ndajnë eksperienca dhe të gjejnë bashkëpunëtorë të rinj për idetë e tyre të biznesit. Me pjesëmarrës nga mbarë bota, ky takim online u krijon sipërmarrësve shqiptarë mundësinë për të zgjeruar bizneset e tyre përtej kufijve të Shqipërisë dhe Kosovës. Në botën e biznesit, një rekomandim i vetëm apo një kontakt i ri mund të ndryshojë përgjithmonë rrugëtimin profesional të dikujt. Biletat janë të limituara për shkak të formatit të eventit prandaj, nëse mendoni të merrni pjesë, rezervoni biletën tuaj këtu
Organizatorja pas eventit
Ky event është organizuar nga Marsilda Bialczak, themeluesja e Expand2market, një agjenci marketingu dixhital, si dhe krijuesja e grupit në Facebook “Sipërmarrësit Shqiptarë në Mbarë Botën”, i cili tashmë numëron mbi 40,000 anëtarë. Me një eksperiencë mbi 13 vite në marketing dhe media sociale, si dhe më shumë se një dekadë përvojë në shitje në tregjet evropiane dhe amerikane, Marsilda është një figurë kyçe në ndihmën ndaj bizneseve për të depërtuar në tregje të reja. Ajo do të ndajë me pjesëmarrësit eksperiencën e saj, duke treguar se si e ka zhvilluar biznesin e saj pa shpenzuar asnjë dollar në reklama.
Çfarë përfitoni nga ky event?
Pjesëmarrësit do të kenë mundësinë të:
● Prezantojnë veten dhe biznesin e tyre për dy minuta secili.
● Njihen me sipërmarrës të tjerë dhe të shkëmbejnë kontakte.
● Mësojnë strategji të reja për marketingun dixhital dhe shitjet online.
● Marrin këshilla praktike për rritjen e një biznesi të suksesshëm.
● Ndahen në grupe të vogla për diskutime të fokusuara dhe krijimin e lidhjeve më të ngushta profesionale.
Bëhuni sponsor dhe rrisni ekspozimin e biznesit tuaj
Nëse dëshironi të promovoni biznesin tuaj në një audiencë globale të sipërmarrësve shqiptarë, mund të bëheni sponsor ekskluziv i eventit. Vetëm dy vende janë të disponueshme për këtë mundësi unike, e cila përfshin:
● Një prezantim 10-minutësh gjatë eventit.
● Përmendje në një email dërguar mbi 8,000 kontakteve.
● Promovim në grupin “Sipërmarrësit Shqiptarë në Mbarë Botën” dhe në platformat sociale të organizatorëve.
● Një postim ekskluziv me foto dhe përshkrim të biznesit tuaj.
Axhenda e eventit
● 19:00 – Prezantimi i eventit dhe qëllimi i tij.
● 19:15 – 20:00 – Këshilla për rritjen e biznesit përmes marketingut në rrjetet sociale.
● 20:00 – Prezantimi i sponsorëve.
● 20:30 – Prezantimi i pjesëmarrësve dhe bizneseve të tyre.
● 21:30 – 22:00 – Grupim në dhoma të vogla për diskutime dhe krijimin e lidhjeve më të ngushta profesionale.
Si të bashkoheni?
Për të marrë pjesë në këtë event, ju mund të blini biletën tuaj në linkun e dedikuar për anëtarët. Gjithashtu, për të mos humbur asnjë event të ardhshëm, mund të bashkoheni në grupin në WhatsApp ose në platformat sociale si Facebook dhe LinkedIn. Ky është eventi i mundësive të arta për sipërmarrësit shqiptarë! Mos e humbisni këtë shans për të rritur biznesin dhe për të krijuar lidhje të reja ndërkombëtare.
Regjistrohuni tani dhe bëhuni pjesë e një komuniteti të fuqishëm biznesi!
Për të vlerësuar kontributin e Business Magazine Albania si media partnere, organizatorët kanë ofruar një zbritje prej 5% për anëtarët e platformës sonë. Pjesëmarrësit mund të përdorin kuponin “BMA5” gjatë blerjes së biletës për të përfituar uljen.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
