Një startup hollandez që ka zhvilluar një platformë e-commerce për parqet dhe kopshtet zoologjike, e ngjashme me sistemin e përdorur nga Disney, ka mbledhur 12 milionë dollarë fonde.
Convious, me bazë në Amsterdam u mundëson atraksioneve turistike të ofrojnë çmime të arsyeshme duke u bazuar në të dhëna si: koha e vitit, parashikimi i motit dhe koha mesatare që i duhet një personi për të blerë bileta. Sistemi i ndihmon parqet të tërheqin sa më shumë turistë dhe të zbusin rëniet sezonale.
Klientët mund të përdorin platformën e Convious, e cila përdoret gjithashtu nga muzetë, akuariumet dhe këndet e lojërave, për të blerë bileta dhe akomodim në hotel para kohe, si dhe për të porositur ushqime apo për të ruajtur vendin e tyre në radhët virtuale të një atraksioni turistik.
E themeluar në vitin 2016, themeluesit dhe CEO-s së Convious, Camiel Kraan i lindi ideja për këtë platformë duke folur me një mik që zotëron një kopsht zoologjik. Fillimet e Convious ishin të ngadalta, por pandemia e koronavirusit më pas përshpejtoi adoptimin e teknologjisë nga industria e parqeve të argëtimit dhe parqeve zoologjike.
Kraan theksoi rëndësinë e ofrimit të një zgjidhje gjithëpërfshirëse pasi industria e parqeve të argëtimit “nuk ka shumë dashuri për teknologjinë”.
Lexoni: Skenë surreale në Disneyland Shangai. 33 mijë veta “mbyllen” të testohen për virusin Covid
“Klientët tanë janë në kërkim të një platforme të vetme që mund të ofrojë këtë shërbim nga fillimi në fund, sepse ata vetë nuk kanë asnjë department apo buxhet IT-je që t’ua mundësojë këtë gjë,” tha ai.
Kraan u shpreh se momentalisht nuk po i shikon resortet e Disney si klientë të mundshëm edhe pse ai nuk do t’u thoshte jo nëse ata do t’i “trokisnin në derë”. Convious dëshiron t’u sigurojë parqeve të nivelit të mesëm një paketë mjetesh, duke ofruar teknologji të ngjashme me softuerin e brendshëm të Disney për promovimin dhe menaxhimin e këtyre atraksioneve.
Pronarët e Legoland në Mbretërinë e Bashkuar dhe SHBA, Merlin Entertainments janë klientët e tij ideal, ndërsa Kraan shpreson që një ditë të ketë edhe kinematë në listën e klientëve të platformës së tij.
Paratë do të përdoren për të krijuar ekipe të zhvillimit të produktit ndërsa hapen zyra të reja në Francë, Mbretërinë e Bashkuar dhe Gjermani. Numri aktual prej 65 personash do të rritet në 125 vitin e ardhshëm, tha ai.
Fillesa e Convious sheh SHBA-në si tregun e saj më të madh, por padyshim hapi i radhës do të jetë dhe Europa.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
