"Një Vit i Ri, një axhendë e re!" - Business Magazine Albania

“Një Vit i Ri, një axhendë e re!”

axhendë

*Shkruar nga Ambra Hysa

2022 erdhi pranë nesh duke na rikujtuar edhe një herë, se shëndeti ka vlerë mbi gjithçka.  dhe sa falenderues duhet të jemi që gëzojmë shëndet të plotë, bashkë me të dashurit e zemrës. Ndonjëherë një gjendje e lehtë gripale mjafton për të trazuar ujërat e shqetësimit, prandaj shëndeti duhet të jetë gjithnjë prioritet në axhendën e çdo viti.

E di që jemi në epokën digjitale dhe çdo shënim e mbajmë në celular, por unë i përkas kategorisë së njerëzve që vazhdojnë të shkruajnë në letër, sidomos çështjet që i kanë afër zemres.

Në fakt, axhenda është shumë më efektive nëse vendosim ta mbajmë në një bllok të vogël, axhenda është motivim dhe disiplinë, është një dashuri e vogël me produktivitet të lartë, e cila nuk merr shumë kohë për ta shkruar, por kërkon të gjithë energjinë tonë për ta vënë në zbatim.

Ne jemi përpara një bilanci shpirtëror çdo fundvit, cilat objektiva kemi arritur dhe cilat jo?

Por, nëse nuk i përcaktojmë qëllimet tona në formë të detajuar, duke vizualizuar në detaje mënyrën sesi do realizojmë çdo objektiv, atëherë shanset janë që këto ëndrra të vdesin, ose të dërgohen në botën e “së nesërmes, apo të “vitit tjetër”.

Pa axhendën e detajuar të qëllimeve, e cila rezulton të jetë shumë nxitëse dhe produktive, viti 2030 do të na gjejë ende këtu, duke ëndërruar akoma për qëllimet e 2022-shit.

Lexoni edhe: Fillimi i një ëndrre

Ka shumë rëndësi të vendosim prioritete dhe objektiva të lartë. Ndoshta nuk do të mund t’i përmbushim ato plotësisht, megjithatë përpjekjet do të jenë maksimale. Është pikërisht kjo lëvizje dhe dalja nga zona e komfortit që do të na orientojë drejt eksperiencave dhe mundësive të reja.

“Unë nuk jam personi që isha një vit më parë”. Jam një version më i mirë, me aftësi më të mira, marrëdhënie të shëndetshme dhe korrekte, stabilitet të ri financiar dhe emocional, sfida dhe mendësi të reja. Po kam ndryshuar dhe ndryshimi është e vetmja gjë e mirë që njoh, çfarë nuk ndryshon, gradualisht vdes.

Lexoni: Qëndrueshmëri, vizion dhe këmbëngulje

Çdo vit ne marrim vendime të reja, por nuk i shkruajmë në mënyrë të detajuar dhe nuk kemi një plan specifik për mënyrën sesi do t’i realizojmë dhe çfarë ndodh? Në fund të vitit i kemi harruar…kjo krijon një gjendje depresioni dhe pakënaqësie me veten.

Prandaj, këtë vit do të synojmë të jemi versioni më i mirë i vetes dhe çfarëdo që të na sjellë universi do ta “gatuajmë” me pasion.

Organizimi është një çelës suksesi. Nëse dëshirojmë suksesin e madh, atëherë duhet të nisim me fitoret e vogla. Të organizohemi, motivohemi dhe çfarë është më e rëndësishmja të “vetëdisiplinohemi”.

Axhenda, ka një rol të veçantë në jetën time, ajo ekziston edhe në ditët e pushimit, sepse ka gjithmonë diçka për të bërë, ka një kohë cilësore për familjen, një shëtitje me qenin, leximi i një libri të ri, dieta e shëndetshme, të mësosh të thuash “Jo” për gjërat të cilat nuk të japin asgjë, nuk të përmbushin shpirtërisht.

Priremi të ankohemi, sepse punojmë shumë dhe lodhemi vërtet…por, sa po punojmë për veten? Sa punojmë me veten?

Në fund të ditës financat janë të rëndësishme, por kur ka qenë koha që ju jeni ndjerë realisht produktivë?

Kur keni mësuar një aftësi të re, jeni trajnuar me mendësi të reja dhe keni vendosur të ndiqni pasionin e jetës tuaj?

Ndonjëherë ia vlen gjithçka, për një ëndërr të cilën e besoni vetëm ju.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0