Java e kaluar solli një ngjarje emocionuese në Tiranë pasi qyteti u vizitua nga Z. Dror Gill; një strateg teknologjik me përvojë dhe fitues i Çmimit Emmy në Teknologji & Inxhinieri, për një seri takimesh frymëzuese. Me mbi 30 vjet eksperiencë si ekzekutiv, Z. Gill është dallluar si zë udhëheqës në shfrytëzimin e mjeteve të Inteligjencës Artificiale Gjenerative si ChatGPT për të shtyrë inovacionin dhe efikasitetin në organizata.
Në qendër të vizitës së tij ishte një takim i organizuar nga Ambasadorja izraelite në Shqipëri, Znj. Galit Peleg, në rezidencën e saj. Gjatë një darke intime, Z. Gill ndau modestisht udhëtimin e tij si Drejtor Teknologjik i disa startupeve të suksesshme, duke hedhur dritë mbi evoluimin e ekosistemit të shkëlqyer të startupeve në Izrael – një kulturë e përcaktuar nga ndjekja e problemeve dhe pranimi i dështimeve si një hap drejt suksesit. Ndërmjet kontributeve të tij të shquara është edhe bashkë-themelimi i Haifa Beer Tech, një nismë që promovon zhvillimin e sipërmarrësve të rinj duke krijuar një mjedis bashkëpunimi për shkëmbim idesh dhe mentorim.
Eventi i organizuar për herë të parë, me emrin “Tirana Beer Tech”, u iniciua nga Ambasada izraelite në Shqipëri, në partneritet me Bashkinë e Tiranës dhe me mbeshtetjen e Birrës Korça.
Ngjarja u zhvillua nën sfondin ikonik të Piramidës së Tiranës, simbol i përkushtimit të qytetit ndaj inovacionit dhe sipërmarrjes. Midis të ftuarve të nderit ishin Znj. Anuela Ristani, Zv. Kryetare e Bashkisë së Tiranës, dhe Z. Blendi Gonxhja, Ministër i Ekonomisë, Turizmit dhe Inovacionit, të cilët nënvizuan mbështetjen e tyre të pandalshme për nisma si Tirana Beer Tech, duke i vlerësuar si ngjarje të cilat luajnë rol të rëndësishëm në kultivimin e ekosistemit startup në Shqipëri.
Gjatë Tirana Beer Tech, Z. Gill tërhoqi vëmendjen e audiencës me idetë e tij për Inteligjencën Artificiale Gjenerative, duke rrëfyer rrugëtimin e tij nga lançimi i ChatGPT 3.5 deri në shfrytëzimin e fuqisë transformuese të AI në krijimin dhe planifikimin strategjik të startupeve. Përmes tregimeve mbresëlënëse, ai theksoi rëndësinë e pranimit të një mendësie AI – si diçka e cila do të na mundësojë një potencial të pakufizuar në të gjitha fushat e biznesit dhe inovacionit. Rrjedhimisht diskutime interesante u nisën ku pjesëmarrësit reflektuan mbi implikimet dhe mundësitë e ofruara nga e ardhmja e drejtuar nga AI.
Lexo: Mendimi kritik, një nga aftësitë më të mira për të zotëruar sot
Me personalitete të shquara si Zj. Mira Murati, Drejtuese e Teknologjisë e OpenAI, nga Shqipëria, ka një krenari të ndjeshme në portretizimin e talenteve në rritje të vendit; një dëshmi për zhvillimin e Shqipërisë në skenën globale të teknologjisë.
Ne, si ekip i Business Magazine Albania, kishim privilegjin të përfitonim nga vizita e Z. Gill dhe të bisedonim me të mbi këto tema që përbëjnë fokusin kryesor të redaksisë sonë. Tashmë presim me padurim kthimin e tij për të pasur mundësinë të zgjerojmë më tej kuptimin e potencialit transformues të Inteligjencës Artificiale, si mjet përshpejtues për ta vendosur Tiranën dhe Shqipërinë në krye të inovacionit teknologjik.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
