Samsung dhe Muzeu i Luvrit kanë krijuar një përvojë krejtësisht të re dixhitale në televizorin The Frame, përmes të cilit mund të dekoroni shtëpinë tuaj me kryevepra arti.
Samsung Electronics ka njoftuar një bashkëpunim fantastik me Muzeun e Luvrit në Paris. Me këtë sipërmarrje, Muzeu i Luvrit është bërë një nga partnerët e Samsung Art Store, i cili është i disponueshëm në televizorin The Frame. Qëllimi i përbashkët i këtij bashkëpunimi është t’u mundësojë njerëzve në të gjithë botën të shijojnë veprat e artit.
Samsung, në bashkëpunim me Muzeun e Luvrit, ofron opsione të reja për përdoruesit e televizorit The Frame. Karakteristikë e veçantë e këtij televizori është dizajni i tij me korniza që jep përshtypjen e një fotografie të varur në mur, dhe tani janë 40 fotografi të reja të disponueshme në Art Store – përfshirë veprat e artit nga Luvri dhe fotografi të kësaj ndërtese fisnike. Kryeveprat si “Liria Drejton Popullin” nga Eugène Delacroix dhe “Dy qen gjuetie” nga Jacopo Bassano janë vetëm disa nga veprat e shumta të artit që do të pasurojnë bibliotekën. Falë teknologjisë së lartë Quantum Dot, e cila i bën ngjyrat më të gjalla dhe siguron një cilësi të përsosur të figurës, veprat e artit do të transferohen në ekranin e madh të televizorit, duke siguruar që të gjithë dashamirësit e artit të shijojnë kryevepra botërore nga komforti i shtëpisë së tyre.
Yann Le Toucher, Drejtues i zhvillimit, liçencimit të markave dhe partneriteteve tregtare në Muzeun e Luvrit, në një intervistë ekskluzive për Sasmung Newsroom tha: “Ne jemi krenarë që jemi pjesë e partnerëve kryesorë në Art Store. Falë teknologjisë dhe inovacionit të Samsung, ne kemi mundësinë t’u japim njerëzve mundësinë të shijojnë kryeveprat e tyre të preferuar. Natyrisht, kjo nuk zëvendëson një vizitë në muze, por ne besojmë fuqimisht se mund të sjellë frymëzim dhe gëzim në shumë shtëpi.”
Lexoni: Samsung sjell një perspektivë të re me performancën artistike të Gorgon City dhe Michael Murphy
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
