Nënat nëpër botë mund të kenë një “vakt” falas më në fund.
Kafeneja Willows në rrethinat e Willoughby në Sidnej të Australisë po ua bën jetën pak më të thjeshtë nënave të reja. Një shënim, i cili varet në hyrje të dyqanit, fton nënat e reja që të vijnë të ushqejnë fëmijët e tyre me gji dhe të marrin dhe një filxhan çaj.
“Ejani dhe merrni një filxhan çaj nëse ju duhet një pit stop,” lexon shënimi. “Nuk ka nevojë të hash, as të pyesësh, vetëm relaksohu.”
Kjo shenjë është quajtur “një pamje e këndshme” nga Carolyn Hastle në Facebook, e cila postoi një foto më 7 Mars. Shumë prej komentuesve binin dakord me përcaktimin qëi bën Hastle, duke thënë se duhet të ketë më shumë prej këtyre shënimeve në qytet.
Pronarja e kafenesë, Natala Bain, ka thënë për Mashable Australia se ajo donte të bënte diçka të bukur për nënat e tjera të reja.
“Unë jam vetë një nënë e re dhe sapo kam lindur fëmijën e parë, dhe mendova se kjo do të ishte një ide e mirë,” ka thënë Bain.
“Është e rëndësishme që nënat e reja që ushqejnë fëmijët me gji të ndihen të mirëpritura.”
Shenja u vendos në fakt për herë të parë në Qershor të 2015-s, dhe nga ajo kohë u mirëpit shumë mirë nga nënat që ushqejnë fëmijët me gji, ku shumë prej tyre futeshin brenda për drekë ose një snack sepse e dinin që ishin të mirëpritura.
“Ato e pëlqejnë shumë. Pjesa më e madhe hyjnë brenda sepse u pëlqen shenja, dhe thjesht nuk u intereson çaji falas,” ka thënë Bain.
Është provë e thjeshtë se ofrimi i një çaji falas mund të bëjë këdo të çlodhet.
/Shkruar nga Johnyy Lieu dhe publikuar nga Mashable.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
