Nis viti i ri shkollor nën rregullat anti-Covid

Nis viti i ri shkollor nën rregullat anti-Covid

viti i ri shkollor
~2 minuta lexim

Rreth 480 mijë nxënës në sistemin parauniversitar u janë drejtuar bankave të shkollës këtë të hënë.

Ky vit i ri shkollor nis ndryshe nga herët e tjera për shkak të pandemisë. Për shkak të kufizimeve të numrit të nxënësve në klasa, mësimi do të jetë deri në 3 turne. Orët mësimore do të zgjasin 30 minuta dhe do të zhvillohen vetëm lëndët bazë.

Në hyrje të shkollës nxënësit bënë dezinfektimin e këpucëve, duarve dhe matjen e temperaturës. Po ashtu është përcaktuar që mësuesit e lëndës së edukimit fizik do të monitorojnë turnet e shkollës, po ashtu edhe mësuesit e lëndës së muzikës do të kenë të njëjtin funksion.

Lexoni: Arsimi 9-vjeçar, në bankat e shkollës ulen 126 mijë nxënës më pak se një dekadë më parë

Drejtoria e Përgjithshme e Arsimit Parauniversitar, me anë të një lajmërimi për mediat, u shpreh se është hartuar një formular për prindërit, ku ata do të japin përgjigje në lidhje me gjendjen shëndetësore të fëmijës së tyre.

Ministria e Arsimit ka gati një plan me 3 mundësi për këtë vit, që lidhet ngushtë me shëndetin e nxënësve dhe mësuesve. Nga mësimi në auditore, ai i alternuar dhe opsioni tjetër, krejtësisht “online”, të gjithë janë kureshtarë të shohin mbarëvajtjen e procesit.

Në total janë 1760 shkolla që hapin dyert për nxënësit. 1100 të tilla janë vetëm me një turn, në 480 me 2 turne dhe në 180 shkolla me 3 turne.

Në dispozicion janë 30 mijë mësues, ndërsa Ministria e Arsimit ka bërë të ditur se ka në gatishmëri edhe 1 mijë mësues të tjerët të cilët do të rekrutohen në rastet kur do të ketë infektime.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0