Nimete Halilaj, mësuesja që nuk shkëputet nga nxënësit - Business Magazine Albania

Nimete Halilaj, mësuesja që nuk shkëputet nga nxënësit

Nimete Halilaj

Pak para se shkollat të mbylleshin për shkak të Koronavirus mësuese Nimetes iu desh të përshëndeste fëmijët e klasës së Parë C në shkollën “Dëshmorët e Lirisë” në Tiranë. Dalja në pension është vetëm një koncept fizik për një mësues që shkollën e ka bërë pjesë të jetës së tij.

Sigurisht shumë mësues dalin në pension dhe emocionet janë të ngjashme. Fëmijët, kolegët, dhe vetë mësuesi nuk e mirëpresin me entuziazëm këtë. Por, Nimete Halilin patëm fatin ta njohim në pak ditë dhe mbresat ishin të forta.

Artikulli u publikua më parë në faqen 30 të numrit 23 të revistës Business Magazine Albania. Ju mund të Shfletoni Këtu nr. 23 të saj.

Ndërsa do të largohej në fund të shkurtit, në muajin e fundit mirëpret një fëmijë që transferohet pikërisht në këtë shkollë. Nuk pati nevojë për një muaj, pasi që ditët e para të frekuentimit të shkollës së re, djali i ri i klasës jo vetëm ishte entuziast për shkollën, por ndihej plotësisht i motivuar sa ditët për të ndryshuan në mënyrë fantastike. Motivimi ishte çelësi i këtij suksesi. Një praktikë që mësuese Nimetja e ka transmetuar tek breza të tërë.

Ne kemi arritur të njohim disa nxënës të mësuese Nimetes, prindër, madje edhe gjyshër. Motivuese dhe metodiste e përsosur, është cilësimi i tyre për mësuesen.

Remzi Nervaj, është gjyshi i Jonit, një djalë me rezultate të shkëqyera në klasë të gjashtë tashmë. Katër vitet e para të shkollës ai i bëri pikërisht me mësuese Nimeten. Gjysh Remziu thotë se, “ajo mbetet një mësuese dhe edukatore për fëmijët tanë. Mësuese dhe këshilltare e veçantë për nënat e reja. Kalon në një fazë tjetër të jetës pas një pune fisnike e humane”. Ajo cilësohet si një mësuese me plot autoritet me një thesar njohurish shkencore, pedagogjike dhe metodike.

Frutet e asaj pune të madhe janë sukseset e nxënësve të saj brenda shkollës dhe jashtë saj, duke i nderuar në olimpiadat rajonale. Joni Çaushi është pikërisht një prej tyre. Ai ka dalë i pari në olimpiadën e matematikës vitin e kaluar.

Mësuese Nimetja vlerësohet nga prindërit për zgjidhjen e situatave jo të këndshme që paraqisnin fëmijët, disi të përkëdhelur nga prindër apo gjyshër.

“Mësuese që rrezaton kulturë, edukatë, shkencë dhe dinjtet”, sipas tyre.

Erinda, një prej prindërve tregon se, “ajo është një mësuese e jashtëzakonshme, me cilësi të veçanta. Kam vlerësuar mbi të gjitha disiplinën dhe rregullin që përpiqej me shumë përkushtim t’u injektonte nxënësve. Në kaq vjet nuk kam dëgjuar një herë djalin tim të mos shkonte me qejf në shkollë. Kjo do të thotë se mënyra e mësimdhënies ishte tërheqëse dhe interesante për të. Detyrat e dhëna ishin as pak as shumë, gjithmonë në sasinë e duhur për t’u ngulitur dijet e mësuara gjatë orëve të mësimit në klasë”.

Mësuesi është një investitor i dijeve. Është në dorën e tij të zgjedhë nëse do të ndikojë edhe tek një fëmijë që mëson me të vetëm një muaj, apo bën që fëmija të mos shkojë me entuziazëm në shkollë, e rrjedhimisht askund tjetër.

 

Artikulli u publikua më parë në faqen 30 të numrit 23 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 23 të saj.

 

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0