Ngrihu dhe shkëlqe!

Ngrihu dhe shkëlqe

Nga Arlinda Çausholli

Do të desha të të ndihmoja ndryshe, por vetëm këto rrjeshta kam. Uroj të lexosh të njëjtën dashamirësi dhe pastërti me të cilën janë shkruajtur, dëshirë dhe urim që ti t’ia dalësh mbanë. Nuk dua të ithtohesh, as ta ithtosh zemrën sepse kripa tret gurin….Dua që ta mbash zemrën det, aq sa e ke….që kripa të tretet në të. Dhe ti të ndjesh vetëm shijen, jo gëlltitjen.

E di që po kalon moment të vështirë. E di që ke qenë lart dhe je plandosur në tokë apo je zhytur në nëntokë, kjo për dreq pa asnjë arësye, apo ndoshta një fati të kthyer me kurriz (kurriz me kocka të dala keq). Por unë e ndjej, që përtej të gjithë mundit dhe ndihmës që i ke dhënë vetes dhe të tjerëve, do t’ia dalësh mbanë. Mos pyet se kur. Unë besoj fort te ty siç besoj te lumturia, që ti, i ke të gjitha cilësitë e drejta për të qenë një njeri i qetë dhe i jetës.

Lexo: Pasqyrimi im je ti, fjala e Arlinda Çaushollit në TEDx Prishtina

Mos u dorëzo. Mos u lësho. Mos e humb shpresën. Mbaje kokën lart dhe do shohësh se çdo gjë do të shkojë ashtu siç e meriton ti dhe njerëzit që varen nga ti. E di se ndjehesh i vetmuar edhe kur je në mes të njerëzve, e vetmia ndjehet si pesha e një varëseje të rëndë në qafë që do ta heqësh vazhdueshëm, por pa dobi. Mjerisht miku im, duhet të ecësh bashkë me të. Do të bjerë vetë…prit dhe shih. Sytë do të të hapen dhe do të ndjehesh më i fortë. E pak më vonë në kohë, do t’u tregosh nipërve e mbesave, historitë e vogla dhe të mëdha që ta shkundën ditën, muajin apo vitin, me të njëjtën buzëqeshje të përmbajtur që zbukuron fytyrën e një njeriu të sprovuar dhe të mbajtur mirë. Siç mban shkopi i drunjtë fidanin e brishtë që nuk ka asnjë forcë të rrijë në këmbë…. do të të mbajë dinjiteti.

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale