Pasqyrimi im je ti, fjala e Arlinda Çaushollit në TEDx Prishtina - Business Magazine Albania

Pasqyrimi im je ti, fjala e Arlinda Çaushollit në TEDx Prishtina


Arlinda Çausholli, themeluese e Fit For Future, ia kushtoi fjalën e saj në TEDx Prishtina, rëndësisë së pasqyrimit tek njëri-tjetri. Në trojet shqiptare, kjo është më e nevojshme, sipas saj. “Është e nevojshme kurdoherë për atmosferën e tokës shqiptare. Si vende në formim, politika nuk është klasë politike por kopësht politik. Sistemi arsimor dhe infrastrukturor janë ende në zhvillim. Në mes të kësaj tymnaje, rrimë ne njerëzit në pritje, që nuk kemi pozicione politike apo gjyqësore”, tha ajo.

Edhe pse vendosemi diku, nuk rrimë rehat: kritikojmë, gjykojmë, thurim jetën tonë dhe të tjetrit, dhe mbetemi prapa. Pyetja e saj është: Si mund të reflektojmë pozitivitet në kushtet shqiptare?

Ali Xhixha, personazh i njohur nga Shkodra është një shembull i sjellë prej saj. Ai arriti ekuilibrin në lartësi 12-14 metra dhe krijoi një standard të tillë sa, në Shkodër, kur flitej për ekuilibër, thuhej “si Ali Xhixha në tel”.

Sipas Arlindës, individin duhet ta shohim gjërë. Të pasqyrohemi tek njëri-tjetri.

Pasqyrim, sipas saj, do të thotë që çdonjëri të gjejë një rrugë komunikimi me çdo person që i del përpara. “Vëmendja është çelësi i gjithçkaje. Ku ka vëmendje, ka respekt dhe, ku ka respekt ka mundësi për bashkëpunim”.

Lexo: Arlinda Çausholli: Përqafoni pasionin

Ajo u shpreh e bindur në fjalën e saj se, më shumë gjëra na bashkojnë se sa na ndajnë.

Themeluesja e Fit For Future, ftoi si rrugë të tretë zgjidhjeje: të jemi entuziastë.

Entuziazmi është ngjitës, sipas saj. “Një person entuziast është një burim i pashterueshëm energjie. Njërëz si ne, që kanë një punë dhe një çati mbi kokë, kanë detyrimin të jenë shtylla kurrizore e shoqërisë. Në rast se nuk kemi solidaritet me njëri-tjetrin dhe nuk kultivojmë respektin si ndjesi e brendshme, që merr frymë bashkë me ne, do ta kemi pisk situatën”.

Sipas Çaushollit, pasqyrimi te njëri-tjetri do të zgjojë ndërgjegjen qytetare. Komunikimi i mirë injekton pozitivitet. Kush është pozitiv nuk do të thotë që është realist. Është i hapur. Ai ka zgjedhur të gjejë të mirën, e në mos e gjen e krijon.

https://www.youtube.com/watch?v=jkH-Likzer4&feature=share&fbclid=IwAR26SbMS4laRSQrISSBk1luv0WdIIMI5C8kANM-USfiOQ1ZKeOERE6MoxqA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Mos u përpiq të jesh lider. Përpiqu të jesh i vlefshëm.”
— Albert Einstein
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0