Njëzetekatër orë pa ndërprerje, me 13 operacione ortopedike në të gjithë botën, të kryera me përdorimin e realitetit të përzier. Ky është eksperimenti shëndetësor i organizuar nga “Microsoft” dhe i udhëhequr nga Thomas Gregory, Shef i Departamentit Ortopedik & Traumës në Spitalin Universitar Avicenne AP-HP (Francë), duke përdorur kompjuterin holografik për realitetin e përzier “HoloLens 2”.
Mjeku bashkëpunoi në video konferencë me kirurgë të vendosur në 13 vende të ndryshme: Franca, India, Emiratet e Bashkuara Arabe, Afrika e Jugut, Ukraina, Gjermania, Belgjika, Maroku, Brazili, Bolivia, Meksika, Shtetet e Bashkuara dhe Mbretëria e Bashkuar.
LEXO: Microsoft hedh në treg ‘’Viva’’, nis “epoka e re” për punonjësit
Falë “HoloLens 2”, kirurgët janë në gjendje t’u tregojnë kolegëve në pjesë të tjera të botës fushën e tyre të vizionit, të ndajnë praktikat më të mira dhe të ndërveprojnë me imazhet anatomike të pacientëve në formën e një hologrami.
Realiteti i përzier është një shkrirje e botës fizike dhe botës dixhitale, që bën të mundur ndërveprimet e reja midis njerëzve, kompjuterëve dhe mjedisit. Pajisjet holografike, të tilla si “Hololens” i Microsoft, janë të afta të vendosin përmbajtje dixhitale në botën reale sikur të ishte në të vërtetë atje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
